وإذا تبي الشرح المفصل أبشر: رحت لهم الساعةص7 وانتظرت وفتحوا الساعة 8ص
وجات اللجنة ودخلنا صفونا 3صفوف وأول شي قالوا نتايج فحص الدم والبول(وانتم بكرامة)
وبعدها ينادون بالاسماء وقال اسمي ورحت قال :هات البطاقة الشخصية وصورة ودبسها بورقة
وعطانيها وقال رح لأي غرفة تشوفها كل غرفة مخصصة لكشف واحد
دخلت غرفة الطول والوزن ولقيت دكتور حبوب طلع زهراني زيي ومشاني ماقال شي
وبعدين رحت غرفة الجراحة دخلنا3طلاب وقال افسخوا سراويلكم وكحة مشانا ماقال شي
ورحت غرفة الاذن والانف وماقعت دقيقة وبعدها غرفة النظر هنا الورطة
قال اجلس ع الكرسي وعطاني كتاب عمى الوان قال:وش الرقم قلت47 قال وهذا قلت26
وشغل تلفزيون قال غمض عين وفتح عين والله العين اليمين اشوف بها لاكن العلة في اليسار
ماشوف شي قال جاوب لاتسكت جاوبت خطا خطا خطا وقال فتح عينك اليمين وناظر
والله قلت اللي شفته وقال وش اسوي بك قلت مشيني والله تعبان وجاي من سفر
قال:طيب بالتوفيق وختم لي سلييم والله يرزقه ماقصر..وانتظرنا دكتور الاسنان تأخر شوي جانا
حوالي الساعة10.45ص وشغله سريع بس ابتسم ويختملك سليم
يعني من الاخير لاتخاف ياخوي مجودي السبيعي إن شاء الله تساهيل
بس كثر من الاستغفار ولاتنسى صلاتك واتمنى اكون فدتك بشي...