كفو والله الله يرزقك من حيث لاتحتسب والف مبروك يالغالي ,
اخوي عندي اقتراح بسيط في المشروع /

دام ان لكل جلسة تلفزيون خاص فيها , فليش ماتشوف لك مساحه تقدر تحط تلفزيون عرض للي يبي يشوف المباريات وتجيب لك كراسي ( 20 كرسي ) وكل كرسي 10 ريال ( و5 كنبات في المقدمة تقدم لهم شاهي ومويه فقط وسعر الكرسي في هذا المقعد 20 ريال ) ,لان اللي يبي يشوف محلك بيضن ان فيه مكان واسع للجلوس لمشاهدة المباريات ,لو على وضعك الان في كل جلسة تلفزيون محد راح يجي الا قليل وهم فقط اللي بيجلسون في الجلسات واذا جا عندك اشخاص يبون يشوفون مباريات وحصلوا محلك محدود فقط على الجلسات بكذا بيطلع واحتمال يرجع او مايرجع لمحلك مرة ثانيه لانه مب محصل له مكان ,لكن لو حطيت المجال مفتوح للي يبي يجلس واللي يبي يتفرج كان افضل وبتحصل عليك اقبال كبير ( واكيد كل شخص راح يشتري منك من الكوفي )

المشروع جدا طيب اتمنى تحصل لك فتحه اخرى جمب المحل او مساحه طيبة داخل المحل وتخلي فيها مكان لمشاهدة المباريات + طاولتين بلياردو ومايحتاج تخلي المحل مثل الشعبي ,خله بسيط ومتواضع اللهم بس الديكورات بحدود 10 الاف والانوار صفر صغار والمكيفات وحط ارضية تجليد تحصل اشكال حلوة ورخيص المتر بـ5 ريال وجب لك اشجار زينة وادهن المحل بلون غامق وظلل قزاز المحل وحط لك شاشه 50 بوصه ,اخر شي اتمناه انك تحط مكان او خانة بالمحل للجلوس على كنب وطاولات ( لان بعض الناس مايحب الجلوس على الارض)
ـــــــــــــ
هذا اذا حصلت مكان او فتحه او السيوله اذا كانت معك والله يوفقك ,
ـــــــــــــ
ياليت تعلمنا كم مساحة المحل وكم كلف عليك من الانشاء والديكورات والدهان والتظبيط والاجهزة والمعدات ولوحة المحل وشروط البلديه