أخي اللورد يعطيك العافية و الشباب كلهم مشكورين على طرح اراءهم.

وانا لو فكرت بالارقام ما كان طرحت الموضوع في المنتدى اصلا لان الموضوع محسوم. لكن الجهة الحكومية سبق لي العمل بها على بند الاجور وكونت فيها علاقات و صارت مثل بيتي الثاني. عشان كذا لما انعرض علي العمل فيها مرة اخرى جلست بين نارين. جو العمل لي في الجهة الحكومية مغري جدا جدا...

وانا ما اتكلم عن الراحة وقلة العمل. لاني خلال عملي بالجهة الحكومية كنت من المكروفين و اجلس ايام كثيرة بعد ساعات الدوام مع المدير. لكن ما ادري كيف اوصف لكم كيف لما يكون مكان عملك تلتقي فيه بناس تعدهم اخوانك و فيه تناغم وانسجام عجيب. والله ما اشعر لما اخرج من بيتي الصباح اني رايح لدوام، بالعكس أنا عندي استعداد الآن اطلب اجازة من عملي بس عشان اروح اداوم في الجهة الحكومية لو ببلاش. اتمنى الصورة تكون وضحت.

لكن اذا رجعت للواقع اجد ان في خطوط حمراء الواحد ما يقدر يتعداها. واذا جاء مولودي بالسلامة و رزقني الله بغيره و زادت المصاريف عندها اكيد راح تتغير القناعات و الاولويات.

أنا عرضت علي الوظيفة الحكومية يوم الثلاثاء اللي فات. واول ما سمعت الخبر فرحت فرحة ما توصف و قلت خلاص جا الفرج و بأرجع لبيتي الثاني. لكني خلال اليومين اللي راحت شاورت و فكرت..

والظاهر اني باستمر في مجال عملي الحالي بالشركة. اشكر جميع من شارك. و عسى الله يوفقكم جميعا ويحقق لكم كل ما تتمنون.