[align=center]بصراحة ماخطر على بالي في يوم من الأيام اني راح اشتغل هالشغله
ولكن بفضل من الله ثم أعضاء هالمنتدى اللي كلمة رائع قليلة في حقه بديت
في البداية قرأت اغلب المواضيع اللي تتكلم عن تركيب العطور هنا في المنتدى وفي غيره
وبعدين بديت البحث في النت واستفدت من مواقع مثل:

1- http://www.******.net/vb/t598900.html
حاولت احط الرابط كامل بس ماضبط معايا عشان كذا محل النجوم هذه اكتب bdr 130 بس بدون فواصل وراح يفتح معاك الرابط

2- http://al-hafar.com/vb/showthread.php?t=6983

3- وهنا حتلاقي طريقة صنع الخمريات واللوشنات ومعطرات المفارش وكمان العطور وشخصيا انا جربتها ونجحت معايا كلها ماعدا معطرات المفارش لسى ماجربتها بس كل الحاجات اللي جربتها كانت جدا رائعة وهذا الموقع:
https://www.btalah.com/t314067.html

4- https://www.btalah.com/t321980.html

5- https://www.btalah.com/t373684.html

6- ركز على نوع الكحول
http://www.aperfume.info/2011/perfume/isopropyl-alcohol-perfume/

7- http://www.*********.com/thread102865-2.html
مكان النجوم أضف aswaq city بس بدون فواصل

وفي البداية تعبت في بعض الأمور بس راح ألخصها في التالي:

الأدوات:

رحت المكتبة واشتريت المخبار المدرج 25 مل و 50 مل سعره 20 ريال ويمكن تلاقي بأقل

http://wizardlabs.us/image/cache/data/cylinder_25ml_bomex-400x400.jpg

http://www.glasslaboratory.com/files/2245127/uploaded/GL-T25-1000%20Measuring%20Cylinder.jpg

واشتريت كمان مدرج 500 مل 0.5 لتر عشان الخلط سعره 35 ريال ويمكن كمان تلاقي بأقل

http://www.xump.com/Images/Products/Beaker500G-500A.jpg

واشتريت كمان قطارة من نفس المكتبة وتحتاجها لمن تبغى تضيف نقاط فقط من زيت عطري او لون. والقطارة تجي نوعين وانت حدد ايش اللي يناسبك:

1- الخفيفة وهذه عيبها انها تخرب بسرعة وماتقطر تمام وسعرها ريالين او ريال
http://productimages.brambleberry.com/DropperSuctionBulb1.jpg

2- القوية وهذه جدا ممتازة وفادتني كثير وتقطيرها جدا ممتاز اشتريتها من سنتربوينت قسم الاطفال ب 9 ريال تقريبا
http://www.re3aia.com/m/upload/image/cache/data/avent/SF_MedicineDropper_s-500x500.jpg

وبعدها رحت محلات الجملة واشتريت العلب الفاضية 30 مل الدرزن 12 حبة بـ 25 ريال طبعا برم يعني تقدر تفكها وتركبها بنفسك من غير أداة كبس لأن العطور الكبس يبغالها مكبس والمكبس اقل نوع بـ 700 ريال وانت طالع:
http://www.aliexpress.com/product-fm-img/508005248-Capacity-50ml-free-shipping-14pcs-lot-perfume-spray-Bottl***osmetic-perfume-atomizer-perfumes-glass-perfume-bottles-wholesalers.html#

وتراها تجي في كراتين ملونه خذها بكراتينها

وبعد كذا نروح للزيوت العطرية الـ 100 مل ب 30 او 35 ريال وفي جدة انا أتعامل مع محل ممتاز يعطيني بـ 30 ريال والمحل اسمه وقت العطر موجود في البلد خلف الرحاب او مقابل الرصاصي في باب شريف
وحتلاقي عندهم الكحول الممتاز الاصلي والغير ضار بس عيبه انه اقل كميه يبيعها 5 لتر ويجي نوعين:
1- نوع نسبة تركيزه 75% وسعر الخمسة لتر 70 ريال
2- نسبة تركيزه 99% وسعر الخمسة لتر 100 ريال

ولا تتعب نفسك تدور في السوق اغلبهم يعي يعطيك لأنهم يخافون لا تستخدمها غلط

اول مرة دخلت عالم العطورلقيت واحد اعطاني لتر واحد ب 20 ريال بس الله لايوفقه بعد ماسويت العطر وحطيت الزيت العطري وجربته جتني حكه واحمرار وبعد كذا بحثت ايش الغلط في طريقتي فاكتشفت ان الغلط في الكحول لأني اشتريت النوع المغشوش والضار وما يأست دورت في النت عن محل مضمون يبيع الكحول في جدة مالقيت فقلت اروح البلد وادور بنفسي والحمدلله لقيت المحل اللي كتبت اسمه اول " وقت العطر " وكان واحد سوري اسمه عبدالجواد الله يوفقه هو اللي فهمني ودلني وقلي احنا نبيع الكحول الأصلي وعندنا ترخيص صناعي ويجي معبأ في جوالين ودبات من المصنع يعني انت اللي تفكها.

وكمان اعطاني حاجتين خلت عطوراتي 100% وهي:

1- مثبت 5 لتر بـ 125 ريال ويضاف منه 10% فقط يعني اذا كانت قارورة العطر 50 مل حط بس 5 مل

2- فواحة 5 لتر بـ 125 ريال ويضاف منها 20% فقط يعني اذا كانت قارورة العطر 50 مل حط بس 10 مل

وعشان تحط نسبة تركيز معينة استخدم المعادلة التالية:
نسبة التركيز بالمية (ضرب) حجم العبوة
يعني:

تبغى عطر يكون مركز بنسبة 30% في علبة عطر حجم 50 مل حتكون المعادلة كالتالي:
0.30 * 50 = 15 هذا معناه انه لازم تحط في العلبة الـ 50 مل 15مل زيت عطري

تبغى عطر يكون مركز بنسبة 50% في علبة عطر حجم 50 مل حتكون المعادلة كالتالي:
0.50 * 50 = 25 هذا معناه انه لازم تحط في العلبة الـ 50 مل 25مل زيت عطري

تبغى عطر يكون مركز بنسبة 75% في علبة عطر حجم 50 مل حتكون المعادلة كالتالي:
0.75 * 50 = 37.5 هذا معناه انه لازم تحط في العلبة الـ 50 مل 37.5مل زيت عطري
وهكذا.....


ورحت كمان جرير اشتريت اوراق لاصقة شفافة تجي 10 اوراق لاصقة شفافة A4 بـ 95 ريال
هو صح انها غالية بس تخلي شغلك احترافي يعني تقدر تكتب عليها بالوورد اسم العطر وتطبعها بالطابعة ال HP وتقصها بالمقص وتلصقها على القارورة وتصير 100% بس الله يعينك على القص بس لازم تطبع اولا على ورق عادي وتتأكد من حجم الاستيكر اللي سويته هل هو مناسب والا ارجع غير الاستيكر كبر او صغر حتى توصل للحجم المناسب ولمن تطبع انتبه حاول تستغل المساحات خاصة افقيا عشان ماتخلص الورقة بدري اتمنى تكون هالنقطة واضحة.

وحاولت هنا اني اسوي ادراج لملف وورد سويت فيه استكرات بنفس الأحجام هذه عاد انت شوف الحجم اللي يناسب عبواتك وكبره أو صغره بكيفك بس للأسف عيا يدرج معايا الملف.
شوف لي طريقة الإدراج كيف وانا راح ارفعه هنا لعيونك وعيون أعضاء المنتدى الغالي.

واذا تبغى علب للربع توله أو النص توله أو التوله روح محل اسمه مبخرة الخليج يعطيك اربع درازن علب تنحط فيها العبوات اللي ذكرتها فيها وتجيك العلب الوانها مره حلوه انا أخذت احمر قطيفة اربع درازن بـ 48 ريال ولك ان تتصور السعر قد ايش حلو.

وفي الختام اتمنى من الله سبحانه وتعالى لي ولكم ولصاحب الموضوع التوفيق والسداد
وأي استفسار انا جاهز خاصة لو كان في جدة.