السلام عليكم ورحمة الله وبركاته
شباب أنا نقلت لكم قصيدة من منتدى طالب مستجد بالعسكريه هو اللي كتبها بنفسه يعبر شعوره والأهانات اللي واجهها
بالعسكريه وكل شي وأنا مجرد نقلتها لكم لا أكثر ولا أقل واتمنى تعجبكم القصيدة
أنا الطالب المستجد رقــــــــــــــــــــــــــم
في معسكر الخضيرة دورتــــــــــــــــــــي
أكتب هالأبيات وأحساسي منعــــــــــــــدم
والتعب والشقى غير لي صورتـــــــــــــي
الإسبوع الأول
آهات وألم وحسرة ونـــــــــــــــــــــــــــدم
أيامنا كلها خوف وحيــــــــــــــــــــــــــــره
ونفسنا من الإنضباط أنكتــــــــــــــــــــــــم
ومن التوتر مانعرف من نستشيــــــــــــره
والسبب كله صاحب مقولـــــــــــــــــــــــة
يا همل هذا سلام خضيـــــــــــــــــــــــــره
الإسبوع الثاني
يا أغبيا .. يالي ماتفهمون .. ياهمــــــــــل
ألفانظ نسمعها بإستمـــــــــــــــــــــــــــرار
وبعد الإهانات والمذلة والدحـــــــــــــــــــل
ننتظر وقت إطفاء الأنــــــــــــــــــــــــــــــوار
ولما يحين الميعاد والفرحة تكتمــــــــــــــل
نسمع مرة ثانية عندكم اليوم دبــــــــــــــــل
الإسبوع الثالث
إسكت بس ومطعم ثابــــــــــــــــــــــــــــــت
نظف وإغسل ولـــــــــــــــــــــــــــــف ودور
نركض ونصف وصفونا خابــــــــــــــــــــــت
وبالأخير نسمع هذا مش طابـــــــــــــــــــور
الإسبوع الرابع
ابتسامة وبصيص من الأمــــــــــــــــــــــل
والفرحة دايم ما تكتمــــــــــــــــــــــــــــــل
وكلٍ له شغلة وكلٍ له عمــــــــــــــــــــــل
ترى قالها النقبي من بعد ياهمــــــــــــــــل
الإسبوع الخامس
تجهزنا ولبسنا أحســــــــــــــــــــــن لباس
وأنتظرنا الزيارة بفارغ الصبـــــــــــــــــر
حان الأوان وقربت الــــــــــــــــــــــــناس
شفت الأهل وتاه بالي والفكـــــــــــــــــــــر
وبعدها تفتشنا مثل الخــــــــــــــــــــــــياس
وذكرونا بأيام الطفولة وبأيام الصغـــــــــــر
الإسبوع السادس
يوم السبت والأحد آخر راحـــــــــــــــــــة
وجدولنا كله أكل ورقــــــــــــــــــــــــــــاد
والإثنين رجعنا من الإستراحــــــــــــــــــة
ورجعنا لعوار القلب والفـــــــــــــــــــــؤاد
متى ينهي أسبوعنا وجراحــــــــــــــــــــــة
ونرجع لديارنا ونرجع البـــــــــــــــــــــــلاد
الإسبوع السابع
أنتهت فترة الحجز وارتحــــــــــــــــــــــنا
إلي مرت علينا كأنها أعــــــــــــــــــــــوام
رجعنا لديارنا وشفنا أهلـــــــــــــــــــــــــنا
وعطونا إجازة ســــــــــــــــــــــــــبعة أيام
زرنا الربع وإلتقينا بحابيبـــــــــــــــــــــــنا
وتحققت أمانينا وبعض الأحــــــــــــــــــلام
وما عاد الصداح يزعجــــــــــــــــــــــــــنا
بكيفنا نصحى وبكيفنا نــــــــــــــــــــــــــنام
الإسبوع الثامن
خلصت الإجازة ومزاجنا تعكــــــــــــــــر
ويوم السبت صار علينا يوم كأيــــــــــــب
وكل سبت نرجع فيه للمعسكـــــــــــــــــر
ونرجع للرياضة والتدريــــــــــــــــــــــب
ويوم الخميس نشد حلينا ونصبـــــــــــــر
وكل فصيل لأمر القيادي مجيـــــــــــــــب
كل هذا لأن الكل يبي يظهـــــــــــــــــــــر
لأجل يشوف الأهل والحبـيـــــــــــــــــــب
الإسبوع التاسع
اظلمونا بإجازة العيد والقلب زادت أوجاعه
أجازتنا تبدأ الخميس والإثنين الكل يرجـــع
وبعدها نسمع إنتوا محجوزين 48 ساعـــه
سمعت الخبر وقلبي من مكانه انتـــــــــزع
ماصدقت الخبر في البدايه وظنيتها إشاعه
الين ماجانا الظابط المناوب والكل اقتنـــع
الله على الظالم كبيرولله نحن أمر وطاعه
صرنا على الدبل نفترق وعليه نجتمـــــع
وسلامتكم
أتمنى تكون أعجبتكم وأتمنى تكونون ردودكم حلوه أتجاه اللي نقلته وأتجاه القصيده
وصدق والله باقي نحس ونشعر ونشوف أيام سوداء بالعسكريه أنا وأنتم وكل اللي بيدخلونها
وأنا نزلت القصيده لأنها أعجبتني لأني ماقد شفت عسكري يقول يالبى العسكريه كلهم متشائمين ومعصبين
والله يعينهم ويعيننا يارب ويجعلنا من المقبولين في الفرز النهائي
أخوووكم //عبدالله الزهراني
موفقين بإذن الله ... لكم مني أجمل تحية .