مختصر ال 45 يوم :
اول يوم دخلنا صفو كل منطقة بجهه وشالوهم بباصات ودخلوهم مركز تدريب مكة بعدها على التفتيش وقياس الطول ومن بعدها يودونك على سريرك طبعن ترقيم الاسره مثل ما جا اسمك بالكشف ..
طبعاً برنامجك بال 45 يوم :
تصحى قبل صلاة الفجر بساعه ونص عشان يمديهم ال 2200 طالب يتجهزون ويصير فيه طلبه متأخرين بسبب النقص الحاد بدورات المياة بمركز مكة المهم تصلي الفجر بعدها تلبس كنادرك وعلى الميدان هروله تصف بفصيلك وثبوت لمده نص ساعه تقريبن ياخذون الغيبات والتاخير بعدها تبدأ الحصة التدريبية بالاغلب الحصه الصباحية حصة رياضية هرولة وتمارين اطاله قبل الهرولة وبعد بعدها صرف على الميز ( المطعم ) لتناول وجبه الافطار بعد ما تفطر راحه نص ساعه تقريبن الساعه 9 الصبح يدق ونان الجيب طبعن المركز ما فيه بروقي المركز فاشل لأبعد كا تصورون يا جماعة لخير المهم حصه الساعه 9 مشاه عسكرية لين الساعه 10 ونص بعدها راحه نص ساعه همن ترجع الساعه 11 لمده 45 دقيقه او ساعه على حسب اللي مستلم همن بعدها التجهيز لصلاة الظهر تصلي الظهر وترجع مرة ثانية للميدان لأخذ الغيبات والتاخير همن صرف لوجبه الغداء وراحه لين صلاة العصر واذا ما صار فيه انضباط او وجود ملاحظات على عموم الدورة ميدان بعد وجبه الغداء بالظهرية تحت الشمس المهم تجهز لصلاة العصر وبعد الصلاة على الميدان حصة مشاه لين المغرب تصلي المغرب وترجع الميدان ياخذون الغياب والتاخير وصرف لوجبه العشاء تعشى وبعد ما تعشى تجهز لصلاة العشاء وتصلي وبعد الصلاة وقوف بالميدان من الساعه 9 بالليل لين الساعه 11 واحياننا لين الساعه 12 بعدها على فراشك تنام النوم اللي بتنامه باليوم يتراوح ما بين 3 ساعات ونصف الى 4 ساعات فقط ون زادت واستلم واحد طيب وحبوب صارت ساعات النوم 5 ساعات هذا كل يوم بتشوفه بال 45 يوم طبعن اول اسبوعين بتعيش بحاله نفسيه سيئه للغاية بمجرد ما يفتحون الزيارة لكم خلاص تزين حالتك النفسيه وتصير مثل الحصان عندك قدرة للتحمل 60 يوم موب بس 45 طبعا مختصر دورة مكة عموم الدورة جزاءات بجزاءات جلدونا جلد مبرح هالباكستانية رجليننا تنخت وتغربلنا غربله بس ولله لحمد صبرنا وتحملنا وعدناها ..
اول 3 ايام من الدورة بتتنفخ رجليك وبتتعب تعب غير طبيعي وممكن يتسبب ببعض الاحيان بتقدم استقالتك من كثر الضغط وقله النوم .. لاكن بقولك على شي تحمل الالام اسبوع بعدها بتروح الالام اللي بجسمك كلها والالام هاذي تجيك بسبب الثبوت ونقص اللياقة البعض يحسب الثبوت بسيط لاكن الجزا عندي انا اهون من الثبوت وما راح تحسون بهالشي الا اذا دخلتو الدورة ..

مركز مكة بكل امانه غير مؤهل للقيام بدورة تدريبة لكن نسأل الله العلي العظيم ان يصبرنا على هذا المركز التالف ومن ابرز النقاط لكي تصل للمناصب العليا :-
1- عدد الطلبه 2200 وعدد دورات المياه 70 حمام ونصها مكسرة بيبانها والربع منها منسده بلاعاتها والبلاوى وانتم بكرامه تسبح بعموم الحمامات ..
2- الميدان صغير لعدد 2200 طالب حاسو لمده 3 اسابيع بسبب صغره وبعض الاوقات لا نسمع ايعازات المدربين بسبب ازدحام الفصائل وتدريبهم ولو توفرت المساحه لتسهلت امور التدريب لجميع الطلبه ممكن الزوار اذا دخلو المركز شافو الميدان قالو كبير لاكن الحقيقه بعد توزيع الطلبه بالاماكن المخصصة يصبح مزدحم جداً ومزعج بنفس الوقت والطلبه يواجهون صعوبات لسماع المدربين ..
3- السكن غير متوفر فيه دواليب للملابس او درج او مكان يحفظ اغراض المتدرب وهاذي كارثة لم تنتبه لها قيادة المركز ..
4- عدم توفر قاعات دراسية لتدريس الطلبه بعد 45 يوم والان عطونا 12 يوم اجازة لا يمكنهم خلال هذه المدرة بناء قاعات دراسية مع العلم هناك 9 سرايا وكل سرية فيها 240 وكل سرية فيها 4 فصائل وكل فصيل فيه 60 متدرب .. اي بمعنا اين المباني التي ستدرس كل هذا العدد كارثة وربي والمصيبه ما فيه ولا مبنى واحد تخيلو ؟؟؟! لا وبعد يقول العقيد ان الدورة كلها بمكة وشلون تجي مدري مع ان المعطيات تقول مستحيل الدورة كلها تكون بمكة غرابه بكل ما تعنيها الكلمة من معنى .
5- المطعم لا يستوعب العدد الكبير ويحتاجون لمدة ساعه كامله لأدخال العموم كامل للمطعم والسبب نقص الطاولات ونقص الكراسي وصغر المطعم قمه المسخرة اي والله ..
6- لا توجد ولا قطعة سلاح واحد ولا حتى مبنى واحد يتوعب 2200 قطعة سلاح او حتى 500 قطعة سلاح يعني مدري المعطيات تقول من المستحيلات الدورة تكمل حتى ما بعد 45 يوم بسبب عدم توفر الامكانات ..

فلذالك اللي قريبين من المديرية العامة للدفاع المدني او عنده ناس مقربين يشتغلون هناك يجيب لنا العلم هل الدورة كلها بمكة ولا بيطلع علم جديد انه بعد ال 45 الكل يرجع للمركز التدريب اللي قدم عليه او بنكمل الفرد الاساسي بمكة والباقي كل واحد بديرته علمونا وبالذات الاخ الحوت ان كان عنده علم يعطينا من جعبته المليئة بالمعلومات القيمة والمفيدة لكي نصل للهدف المنشود < اقعد يا الشلوي ههههههه