[align=center]
يجب وضع المعادلات التالية في الحسبان:
أولا : معادلات تركيز الزيت العطري في حجم العبوة:
نسبة تركيز الزيت العطري بالمية X حجم العبوة
يعني:
تبغى عطر يكون مركز بنسبة 30% في علبة عطر حجم 50 مل حتكون المعادلة كالتالي:
0.30 * 50 = 15 هذا معناه انه لازم تحط في العلبة الـ 50 مل 15مل زيت عطري
تبغى عطر يكون مركز بنسبة 50% في علبة عطر حجم 50 مل حتكون المعادلة كالتالي:
0.50 * 50 = 25 هذا معناه انه لازم تحط في العلبة الـ 50 مل 25مل زيت عطري
تبغى عطر يكون مركز بنسبة 75% في علبة عطر حجم 50 مل حتكون المعادلة كالتالي:
0.75 * 50 = 37.5 هذا معناه انه لازم تحط في العلبة الـ 50 مل 37.5مل زيت عطري
وهكذا.....
ثانياً : معادلات تركيز المثبت و الفواحة في حجم العبوة:
1- مثبت 5 لتر بـ 125 ريال ويضاف منه 10% فقط يعني اذا كانت قارورة العطر 50 مل نحط بس 5 مل
2- فواحة 5 لتر بـ 125 ريال ويضاف منها 20% فقط يعني اذا كانت قارورة العطر 50 مل نحط بس 10 مل
ثالثاً: معادلات تركيز الكحول ( المُذيب ) في حجم العبوة:
الحجم المتبقي بعد إضافة الزيت العطري و المثبت و الفواحه نملأه بالكحول ( المُذيب ) حتى تمتلأ العبوة.
( ملاحظات هامة جداً جداً ) :
بعد ماتنتهي من تركيب العطر يجب أن تضع عبوة العطر في الثلاجة لمدة 24 ساعة أقل شيء وكل ماكانت المدة أطول كل ماكان تعتيق العطر وإختلاط الزيت مع الكحول وبقية المكونات أفضل والنتيجة ستكون ثبات ممتاز للعطر على الملابس تمتد حتى ثلاثة أيام أو أكثر.
وكتجربة شخصية أنا كنت أقل شيء أضع العطر في الثلاجة لمدة ثلاثة أيام عشان يتعتق بشكل ممتاز.
العطر أول مايتركب يحتاج إلى رج للعبوه حتى تلاحظ أن الزيت والكحول قد إندمجت أو اختلطت بشكل جيد ثم يحتاج إلى برودة وظلمة حتى يتعتق.
فأغلب الناس يقولوا احنا ركبنا العطر بس نلاحظ انه مايدوم السبب هو التعتيق لم يتعتق العطر جيداً وذلك لأنه لم يرج جيداً ولم يوضع في الثلاجة لمدة كافية.
وأنصح دائماً بوجود ورقة وقلم بجانبك وذلك لتسجيل النسب في كل عبوة.
وممكن ينجح عندك عطر وماتقدر ترجع تركبه بنفس الجودة اللي أول وذلك يعود لأنك نسيت النسب وماسجلتها.
رحت جرير واشتريت اوراق لاصقة شفافة تجي 10 اوراق لاصقة شفافة A4 بـ 95 ريال
هو صح انها غالية بس تخلي شغلنا احترافي يعني نقدر نكتب عليها بالوورد اسم العطر ونطبعها بالطابعة ال HP ونقصها بالمقص ونلصقها على القارورة وتصير 100% بس الله يعين على القص بس لازم نطبع اولا على ورق عادي ونتأكد من حجم الاستيكر اللي سويناه هل هو مناسب والا نرجع نغير الاستيكر نكبر او نصغر حتى نوصل للحجم المناسب ولمن نطبع ننتبه لأنه راح نحاول نستغل المساحات خاصة افقيا عشان ماتخلص الورقة بدري اتمنى تكون هالنقطة واضحة.
وسمعت من الأخ طموح رجل أعمال أنه في محلات في حي الجامعه تبيع تقريباً 100 ورقة من هالنوع بـ 50 ريال بس انا ماجربتها يبغالي اروح وأشوفها.
وكمان في مقص زي اللي يستخدم في المكتبات للأوراق A4 يقصها كلها مع بعض وبشكل متوازن أفضل وأحسن من المقص المتعب وسعره 75 ريال.
وفي الختام أحب أقول لكل من مر على موضوعي وحاب يشتغل في هالمجال توكل على الله ولا تيأس
أهم شيء في الموضوع بس هو التسويق وباقي الأمور لا تشيل همها أبد
ومع التجارب راح تتكون عندك خبرة أفضل وتقدر حتى انك تكون تركيبتك الخاصة من العطور عن طريق خلط كم نوع مع بعض وينتج لك نوع خاص بك بس زي ماقلنا قبل شوي اهم شيء الكتابة والتسجيل.
وإذا في أي سؤال أو استفسار أخوكم جاهز وتحت أمركم لأنه انتم لكم الفضل بعد الله في الخبرة البسيطة اللي أنا وصلت لها.
وانتظروني في الجزء الثاني من الخمريات واللوشنات ودهن العود والعود الخشب.
وفي هذا الجزء راح نعرف ايش الأدوات اللازمة لعمل خمريات ولوشنات بالروائح والعطور اللي احنا نبغاها
وراح نعرف كيف ممكن نتعرف على العود الخشبي الممتاز وايش الأنواع اللي ماشية بالسوق وايش المحلات اللي تبيعها
وراح نعرض اسماء لعطورات جاهزة ورخيصة مثل الأنواع اللي تباع عند المساجد وأطقم لوشنات وكريمات ومعطرات جسم ألخ....