السلام عليكم

الكلام يخص جامعه نوره

انا حابه اوضح بعض الامور
لان الفتره الجايه ماراح اكون متواجده ولاني وعدت اوافيكم بكل جديد راح اوضح بعض الاشياء الان

يوم الاربعاء



ان شاء الله بيصدر التعميم لموظفي الصندوق وفيه جدل كثير حول التاريخ اللي راح يحسب لهم الاغلب 9-5 وكان فيه محاولات انه يكون 1-5 لكن ماحصلت.
وراح يكون يوم الاربعاء اكمال اجراءت مع موظفي الصندوق
اما مايخصنا الجدد مثل ماذكرت راح يكون فيه اعلان بالموقع لانهم بادين شغل عليه من كم يوم


السبت والاحد
اتوقع راح يكملون الاجراءت مع الصندوق لان ماتوقع يمدي يخلصون بيوم
وراح يكون الاعلان لنا ابتدا من السبت الى الايام اللي بعدها وان شاء الله يكون من بدايه الاسبوع السبت او الاحد مثل مااكدوا
_لو ماصار اعلان راجعوا الجامعه الاثنين واسالوا عن اماكن توجيهكم واكدوا عليهم لمعرفه موعد محدد للمباشره

لان التوجيه اللي اعرفه انتهومنه اخر شي بيتم فيه تغيير هالاسبوع ومع السبت والاحد بيكون اكيد انتهومن كل شي يخصه واي سوال لاحد يسال غير ساره العديلي لان اكثر من يفيدكم هي لان امورنا كلها عندها وهي اكدت للبنات اللي راجعوا للجامعه اليوم انه الاسبوع الجاي

_البنات الموظفات بقطاع خاص لو تخلون اولياء اموركم يراجعون الجامعه بكره او السبت افضل حتى تتاكدون بنفسكم متى المباشره
_اللي عندها ظرف وتتوقع انها ماراح تقدر تباشر الاسابيع الجايه تراجع االجامعه بنفسها وتتاكد كيف بيحلون وضعها او تلفون على الاقل
_اللي خارج الرياض وخارج المملكه وماسلموا الكشف للان ؟؟ اتصلو وعطوهم اسماءكم احتياطا وبلغوهم انكم بتسلموها قريب؟ واسالو عن وضعكم كيف بما انكم متاخرين
_ الاجراءت احيانا من قسم الرجال واحيانا من الاداره النسائيه لكن كل واحد يقول كلام عشان كذا يمكن تتغير بعض الامور فجاءه
لكن اللي متاكده منه ان الجامعه محتاجه ان تكون المباشره باسرع وقت ومحتاجين موظفات كثير وماراح يستبعد احد
هم لو يحصل لهم يبون اكثر موظفات
_الا الان ماحد باشر على وظيفته الجديده نهائيا
فيه بنات من الجدد والصندوق الا الان ماسلموواوراقهم ليه التاخير؟استعجلوا لمصلحتكم
متى مانتهو منهم احنا بعدهم
وان شاء الله ماينتهي شهر 5 الا والجميع مباشر وظيفته



اخيرا
اعتذر عن أي قروشه سببتها بالموضوع
لكن محتاجه ابتعد عن المنتدى كم يوم لارتاح نفسيا لان كثر الكلام ونشر اشاعات هنا وبمكان اخر وتكتيم الجامعه اتعبني
راح اكون متواجده معكم بعد الاعلان بشكل رسمي اشاركم الفرحه واعتذر عن أي رد على الخاص
وان شاء الله هايدي وحسين وهائمه بما انها تعرف مسئول مايقصرون بنقل أي جديد واكيد أي وحده منكم ماراح تقصر مع الجميع لو وصلها شي اكيد
واتمنى ارجع وجامعه سعود بالاخص اعلنوا لهم شي رسمي لانهم اكثر جامعه متاخره حاليا بالاجراءات وان شاء الله الاسبوع القادم كله اخبار مفرحه لجميع المثبتين بكافه الجهات
في امان الله