والله التفاهم هو الجميل.... مو العمر اللي نتزوج فيه...

انا ضد الزواج المبكر.. في كثير الا احيان.. انا بالنسبة لي عمر البنت للزواج 22 وطالع.. عمر الشاب 26 وطالع.. لانه البنت قبل كذا تكون مداركها بالحياة قليلة.. والشاب من يخلص جامعه يبغى له 3 سنوات وظيفة وتجميع مهر..


البنت الحياة الجامعية تصقل شخصيتها.. والوظفة تميزها جدا.. هنا تبدأ تتنور في معنى الزواج.. وكيف تتعامل مع هذا الرجل.. وكيف تحتويه.. وتكون حريصة جدا على اسعاد نفسها واسعاده..


البنت فترة المراهقة يكون همها فستان العرس. والمكياج والخرجه والطلعه.. ما همها الزوج كانسان شلون تتعامل معه..


حنا نتكلم عن شئ.. لما تكون الحياة سعيدة.. طيب لما يكون لا... كثير بنات يحملون لقب مطلقة قبل العشرين.. ولما ترجع للاسباب تلاقيها بالغالب لانها وهي واياه اطفال..


مهم البنت والشاب يتثقفون بمعنى الزواج.. وايش يعني.. ماهي احلام ورديه.. واطلعات وروحات وردات.. هذا ممكن اول شهر شهرين.. وبعدين تبدأ مصاعب الحياة..



الحين مع اللي نسمع من حالات الطلاق تحس الزواج لعبة اطفال.. من كلمة طلق زوجته.. وصل بعضهم يفكر يطلقها لانها قالت ((الحمدلله)) زعل عليها وناوي يطلقها..



بعض الشباب لو هو صغير عقله يوزن بلد.. وكذلك البنت.. اذا كان كذا ممكن الزواج المبكر.. وهذا قليل.. اذا كان لا ناخر الزواج افضل..