المشاركة الأصلية كتبت بواسطة ماتستصعبهاش

السلام عليكم ورحمة الله وبركاته


بالنسبة للمتقدمة على وظيفة بالبنك .. فعلاً الوظايف الحكومية مالها علاقة بالخاص

خليهم يتوكلون على الله ويمسكون هالوظيفة .. وإذا جت وظيفة حكومية .. وقتها يحلها حلال!

والله يكتبلكم اللي فيه خير ..


أبغى أقول كلمة بخاطري .. وهي مو متعلقة بجامعة الدمام بشكل مباشر .. لأن للأمانة شغلهم أفضل مقارنة بغيرها من الجامعات ..

لكن من جد احنا عندنا مشكلة في نظام التوظيف سواءاً بجامعات أو غيره

لا يوجد جدول زمني معلن وواضح .. للمتقدمين وللمسؤولين في نفس الوقت

وهالشي يخلي العالم على أعصابها .. غير اللي ما يجيه رد مثلاً من اللي ما تتطابق عليهم الشروط .. ويبقى في انتظار الرد إلى أجل غير مسمى!

بينما لو وجد جدول محدد بزمان وموعد نهائي معلن "Deadline" لكانت العملية أفضل

برغم إن عدد المتقدمين اللي سمعت فيها لما حضرت الاختبار ما كان كبير جداً

فيه جهات يصل عدد المتقدمين عليها بالآلاف .. ولكن عندهم خطة ومنهج وطريقة واضحة ومواعيد دقيقة قبل كل شي ..


الله يوفق الجميع يا رب ..