السلام عليكم ورحمة الله وبركاته ..,
حبيت أكتب هذا الموضوع عشان الكل يستفيد منه
طبعا في هذا الشهر [ ششهر ] 5 الغالب
جاه مؤهل
كان مكتوب آخر دفعه 5/5/1433هـ وراحت 
بعد كذا أرسلوا رسائل لم يتم الصرف سيتم الصرف الشهر القادم وماقالوا السبب ..,,
اللي أعرفهم طلع أن الحساب ماهو منشط
يعني يلزم تنشيط الحساب من البنك عشان يتم الصرف الشهر القادم بإذن الله
ولو فيه مشكله ثانيه يعني مااعرف بس السبب أن الحساب مو منشط ..,, هذا شي وصارت مع كذا وحده أعرفها والحمدلله نشطت حسابها وتنتظر شهر 6 ..,,
يعني اللي للحين ماتأهل يتأكد أن حسابه منشط يودع شي فيه ويتأكد انه مو مجمد وكذا ..,,
..,,..
المشكله الثانية
صارت مع أختي وهي ياطويلين العمر والسلامة
الإيبان غير مطابق وطفشنا نسأل في المنتدى وندق على حافز لين تعبنا
وهي مسجله الإيبان في يوم
9/1 /1433
وموظفين حافز يقولون الشهر الجاي الشهر الجاي يتعدل بإذن الله الشهر الجاي
والله إلى الحين زي ماتشوفون غير مطابق
الزبده راجعنا البنك وحصلنا اللي فاتح لها حساب
حاط السجل المدني مو حق أختي
حق أخوي والبيانات حقت أختي وكل شي تمام إلا السجل المدني
وعشان كذا مو مطابق وحنا جالسين أكثر من 3 شهور نحتريه يصير مطابق
الفائده من السالفه :
اللي مكتوب عنده غير مطابق وهو متأكد أنه صح مليون بالميه لاينتظر حافز وكلامهم يراجع البنك ويتأكد من السجل المدني أنه سجله هو مو سجل أحد من العائله..,,
وسلامتكم وإن شاء الله فالكم الألفين وماتشوفون اللي شفناه من البنوك والمهازل