اغلب الشركات مايطبقون نظام مكتب العمل !!!

ودائماً يعملون انفسهم مطبقين النظام وهييك وكله كذب في كذب

نظام مكتب العمل 8 ساعات عمل فقط لاغير

والشركات تشغل الشخص اكثر من 8 ساعات

والله العظيم واحد من الشباب شغال في شركه من الساعه 7:30 الى الساعه 6 المغرب !!! قسم بالله حرام وراتبه 3000 ريال وين قاعدين تشغلون الرجال اكثر من 8 ساعات براتب 3000 ريال وازيدكم من الشعر بيت الاوفر تايم اجباري ياخذه اذا ماياخذه راح يفصلووه !!!

وين قاعدين احنا حياتنا اليوميه مو عارفين نعيشها ابتعدنا عن اهالينا وعن اصدقائنا بسبب هالشركات الي ماتخاف الله يهلكون الشخص براتب ضعيف جداً

اعطي الشخص حقه الراتب الي يستحقه حتى لو بتشغله 10 ساعات لاكن اعطيه الراتب الي يستحقه وصدقني راح يشتغل معاك بضمير يبون الشخص يشتغل بضمير ويعطوه 3000 ريال وبدون زيادات ولا ترقيات !!

الاجنبي يستلم 8000 - 13000 وفووق والسعودي اذا حصل راتب 3500 ريال يحسدونه عليها !!

وثاني شي الوظايف الي مدعومه من الموارد البشريه لازم الراتب مايقل عن 4500 - 5000 ريال

واتركوا عنكم الطائفيه في التوظيف ياشركات

حسبي الله ونعم الوكيل