هذا موقف صار لي ماانساه ابدا بعد تخرجي من الثانوية قررت البحث عن عمل وترك الدراسة وكانت وجهتي مدينة جدة طبعا نعيش في قرية جنوب المملكة تبعد عن مدينة جدة حوالي 450 كيلو المهم اخذت سيارة الوالد وكانت ددسن ( نيسان بكب ) غمارة طلعت من الديره بعد صلاة المغرب وصلت جدة حوالي الساعة 1 صباحا طبعا ماعرف شوارع واحياء جدة وخايف من زحمة السيارات لان عمري ماسقت بالزحمة كنت ناوي انزل عند واحد من جماعتنا لكن الوقت كان متاخر واستحيت اجيه في تلك الساعة قررت اني انام في ارض صحراوية قريبة من مدينة جدة وكان الجو ايامها برد شديد ومعي بطانية ومخدة بالسيارة المهم طفيت سيارتي وسكرت القزاز والابواب وحطيت راسي على المقعدة ونمت صحيت لقضاء الحاجة يمكن الساعة 3 ونصف والبرد شديد والظلام حالك ابتعدت عن السيارة مسافة بسيطه قضيت حاجتي ورجعت بسرعة من شدة البرد حطيت راسي ابي انام الاانا اسمع صوت نفس ( شهيق وزفير )قوي مكان موضع رجول الراكب سميت بالله وقلت في نفسي وش ذا الصوت اعوذبالله من الشيطان والنفس مستمر والظلام حالك ماني شايف شئ مديت يدي بشويش للمبة السطح وشغلت اللمبة تدرون وش لقيت لقيت كلب اكرمكم الله متكرفس من قوة البرد دخل للسيارة يوم انا نزلت لقضاء الحاجة لاني ماسكرت الباب المهم طرته وحاولت ارجع انام بس ماقدرت من الخرعة وفي موقف ثاني لكن خلوه بعدين .... تحياتي لكم