http://youtu.be/naFINTe7TZM
شاعرك شاعر وصف يقدر يصورك
من حد ماطى رجلك لعالي الراس
من غرتك شفت السحابه بتمطرك
وسال الكحل من بين رمشك والاقواس
كن السمر... ولع بثغرك يسامرك
وكن الثنايا عقد ..من خرز الالماس
كسيتها ليل(ن).. يجمل ضفايرك
ونهل موجه كنه لجسمك ألباس
وفج النهار وبان بقصى زرايرك
قبت هرم في عاليه حطو اجراس
يغشاه جسمن ناعمن من حرايرك
خامه طبيعي خالقه خالق الناس
عوداً.. تمايل والهوى كن خابرك
يخف ريحه خابرك حيل حساس
منتوق ملهوف الحشى من مضمرك
ياقرب نحف الخصر من مقضب الكاس
وتحت الخصر... ياعل ربي ..يصبرك
من كثر ماتحمل من الردف ..وسواس
غرشة عطر ....ياحظ منهو... تعطرك
لوهو مريضً..راح عن جسمه الباس
سبحانه اللي بالمحاسن ..مصورك
أخذت عين الحر..وأعناق الافراس
لامن.. حكيتي كن شيً ....مخدرك
من ثقل رمشك صارت عيونك أنعاس
ذابت على جفنك ..خطايط ..مساكرك
والروج باس اللي ..من الصغر منباس
تغيظ كل البيض..طلت ....تمخطرك
ياكثر ..ماماتن من الغيظ....جلاس
ياليتني صفحه بداخل ..دفاترك
أو صورتن عندك على جلد كراس
أوليتني همً..بقلبك..... وسهرك
وجلس معك من دون حارس وحراس
ونزل على خدك ..دموع ..لعبايرك
وروي خدودك ..كل مابي من أحساس
وكشف لك أسراري..وتسأل وخبرك
أنك لجسمي ..مثل لفحات الانفاس
أموت والله لأجل ..روحك وخاطرك
لاني أحبك حب من دون مقياس
ودي بداخل خافقي يكون مقبرك
حتى ..أذري ..جثتك حر الاطعاس
قلبً..على وصلك..بهمسه يخابرك
أرضه قفر قبلك ..وربي فلا أنداس
أبكتبك لشعر ..وبدع ...وسطرك
حتى تعرفك ..بالكره كل الاجناس
وابكتبك في كل قصه ..وبذكرك
أنك شغلت بعصرنا ..جملة الناس