شووووفي اللي هذا اوله ينعااااف تاليييييييييه

لا تدخلين تجربه ما تدرين عن عواقبها


ممكن كلامهم صح و ممكن يصير الرجال اشد واشد وممكن يصير تخويف زي ماقالوا بعض البنات


لكن هذا كله ما يعني تحطين نفسك على كف عفريت !


واهلكم تصرفهم هذا كله ضغط عليييييييك


انت هذي حياتك محد راح يحس بنارك غيرك



فالوظيفه لو تنطبق السماء ع الارض لاتفرطين فيها ما جتك بالساهل



و لاتنسين ولدك برقبتك هل تتوقعين بكرا انه يصرف عليه زي ماتبين؟



ماتخافين بكرا يدلل بنته قدامك وولدك مكسوره عينه ؟


وكله لانك تنازلتي عن حقك



فاقولك استخيري استخيري استخيري الزواج مو كل شيء


وولدك يكفيك بالدنيا اما رجال يقدرني ويعزني


والا اجلس اربي ولدي احسن لي وارتاح من النكد ووجع الراس وكلمة مطلقه للمره الثانيه !


ولاحظي انك لو تزوجتي وزوجك مو رجال بيضغط عليك لانك خايفه من الطلاق للمره الثانيه


وبتنجبرين ترضخين لكل شيء عشان ما تتطلقين مره ثانيه



ففكري في الموضوع بعمق مو ناقصك ولا شيء عشان تنجبرين ترضخين لشروطهم



والله مع احترامي مافي حيا كأنهم متفضلين عليك


وهو مافيه زود مطلق وعنده اطفال زيك زيه


وانا لو مكانك بصراحه ما اوافق .. مو عشان هالشروط بس


لكن المطلق مع اطفال الكل يعاني منهم وحياتك ع المحك تصير بسبب اطفاله



واصبري على اهلك تصرفهم مؤقت ولو توظفتي بكرا وساعدتيهم بيسكتون



الوظيفه بتعزك وكلن بيحترمك وبيدورون رضاك عشان الريال لا تستغربين بس معروف



ولا ابششرك لا ربي تم لك على خير بحول الله وقوته ليرزقك ربي بواحد افضل منه الحين كلن يدور الموظفه


وفيه نقطه مهممممه سالفة الماده : هذي بحد ذاتها كفيله لرفضك يعني لا يبيك تتوظفين ولا حالته زفت بالله فكري كيف بتعيشين . ؟

والله انصحك فكري مليون مره ما احس الرجال فيه شيء واحد يشفع له انك توافقين عليه التجربه مهزوزة من البدايه لا تجازفين