العنصرية طلعت الوان واشكال...



والحين مع برامج وقنوات العنصرية ..



صار الولد يفتخر على امه.. انه من قبيلة افضل من قبيلة امه...

والام تفتخر على عيالها.. اني افضل منكم.. في قبيلتي...


وغيره وغيره وغيره..


وبعضهم حتى من داخل القبيلة.. هذا الفخذ احسن من هذا...

.................................................. ................



العنصرية شئ داخل كل انسان... مستحيل احد ما يكون له عنصرية.. ولكن منا من يغذيها.. ومنا من يهملها.. ويبدي الاسلام عليها..


__________________________________________




اذا على العنصرية بالكلام شئ يهون كلام.. ولكن مصيبة اذا دخلت بالافعال وهذا اللي صاير للبعض.. هم ما يتعايرون بالالسن.. ولكن يحلم ولد القبيلة الفلانية او لد الفلانيين يدخل هذا المنصب.. او يدخل هذي الجامعه.. المقاعد الاولى والاهم تكون لعيال الفلانيين.. اللي هم عيالهم..


.................................................. .......................

وعلى قصة العنصرية سالفة صارت باحدى المناطق.. حادث صار لشاب كان توه متزوج له شهر فقط.. جات الشرطة.. والشرطي من قبيلة غير قبيلة الشاب المصاب.. وطبعا رفض يساعده بسرعة لانه ما يتنزل يساعد عيال الفلانيين.. وتأخير لين جات سيارة الاسعاف.. وبالنهاية مات هذا الشاب.. ابي اعرف الشرطي ايش يتفيده قبيلته يوم القيامة .. وايش بيقول لربه..؟؟؟؟




ولا حول ولا قوة الابالله..