المشاركة الأصلية كتبت بواسطة هتون الهمس

يااحيااتي انتي وربي دمعت عيني وتقطع قلبي على حالتك ،، عمرك 40 سنه وانتي صاابره تنتظرين الوظيييفه بجد شيء يقطع قلب اللي مايعرف الرحمه
ولا ومطلقه من زوج لعاب وعندك بنت تبي مصروف وكسوه مثلها مثل اي بنت في ذالزمن
وعايشه انتي وبنتك على احسان الناس !!!

آآآآآآه قلبي والله انه متقطع بقوه على حالتك ..
بس ما اقول الا الله يااخذ بحقك من زوجك اللي ماهو قد الزواج وياخذ بحقك من الخدمه المدنيه اللي الى العمر هذا ماعينتك ووظفتك فهو حق من حقوقك كمواطنه سعوديه تحمل شهاده في هذا الوطن ولا لاحد فضل عليك ولا منه ,,

والله يعوضك فيما راح من عمرك وانتي صابره على حالتك هذه خير وسعاده بالدنيا والاخره ياارب
والله يفرج همك ياا اختي انتي وبنتك ويرزقك من حيث لا تحتسبين
اقول يالله ثم يالله ان ربي يسعدك سعاااده لا تشقين بعدها ابدا وان يعجل بفرجه لك فهو القادر على كل شيء

كثري في قول حسبي الله لا اله الا هو عليه توكلت وهو رب العرش العظيم (والافضل انك تقولينها في جلسة التشهد الاخيره من كل صلاه وبذات صلاة المغرب والفجر )
والله الله بالاستغفار خليه على لسانك لا تقطعينه
والتسبيح والتهليل كثري منها وصلاة الوتر فضفضي لربك وتحري ساعات الاجابه مثل اخر ساعه من يوم الجمعه والدعاء وقت نزول المطر

انا عاارفه انك تعرفين كل هذا ويمكن انتي احسن مني فييه وتعرفين احسن منه بس حبيت اقدم لك الخير لاني احب لك كل الخييير

والله ودي اسااعدك باي شيء بس والله مافي اليد حيله
والله يصبر قلبك اكثر واكثر الى حد مايفرحك بفرجه ..