اقتباس:
المشاركة الأصلية كتبت بواسطة سعوديةفخرآل جود
نقلت لكم هذي
أتمنى تعجبكم
- شعر : إبراهيم الوافي - 15/01/1428هـ
غياب.. وتوقف الذكرى على حدي
وقف ضدي
يمد بقسوته حبل الأصيل اللي فباب الليل لضلوعي
ترك جوعي
أنادي من ورى صوتي..وفدموعي
مرار الملحْ ..
أنادي.. لك: "أبيك الحين"
ابي..ألمسك فعيوني وما يحرق جفوني ملح
وابي ألقاك وسط الليل ساعة صبحْ
تقوليلي..عن اللي قبل ما احبك "يشوفونك"
عن اللي بعد ما احبك "يخافونك"
أبيك الحين
قبل ما تسافر السكين في صدري
وفي شعري بقايا فالْ :
يقال اني جمعت الليل على خدود العذارى خالْ
وغنيت القمر موال
وإن اللي تبي ترسم ملامحها قصيدة باوّل الدفتر
تبي تسهر
وتنسجني عليها شالْ
أبيك الحين ..
أبي يدِّي
نسيت إن القلم فيها
وإن الطين..ذاك اللي تروّى بالمطر مرة
رسمنا فوق" رَوْبُه" قلب
وكلمة حب
وأول حرف من اسمي
وآخر حرف من اسمي
نسي وجهك ولكنه حَفَظ رسمي ..!
أبيك الحين ..
وانا موج البحر مدّي
بديته بأول شجونك
بديتك صوت
نسي في دفتر حضورك حروف الموتْ
وعاش افجنة عيونك
أبيك الحين
مسافة بين ماكنتي..قبل عهدي
مسافة ماكتبتك حرف..ظلّتْ نقطته يدي
أبيك الحين
حنين سنين
عذاب اثنين
ما ابغى توقف الذكرى على حدي! |
أختي سعوديه فخر آل جود
حس مرهف في اختيار الصور
وفي اختيار النصوص
وثقه عاليه في الإشاره للنقل 
أبصم لك بالعشره
أنك تحملين في داخلك شااااااااااعره
لاتحتاج منك سوى إطلاق سراحها في سماء الإبداع 
ابدأي وسترين النتيجه
أقرأك في ود ...