قيل لي أن من لوائح التعليم العالي ( يشترط للإعادة أن تكون المتقدمة لم يسبق لها الرسوب في أي مادة ) .. في أحد يعرف هاللوائح ؟
ماصحة هالكلام ؟
هل ينطبق هذا الكلام حتى على الطالبة التي تقديرها ممتاز ومعدل مواد التخصص لها عالي ؟

جامعات كثير يتعاقدون مع أجانب بتقديرات منخفضة وحنا يعقدونا بأتفه الأسباب ؟

قال ايش قال لوائح ! وين اللوائح ؟ هل يعقل هذا سبب لرفض المتقدمة ؟
طيب اقبلوا المتقدمة مبدئياً ، تدخل اختبار ، تدخل مقابلة ، إذا ما تصلح ارفضوها لكن كذا على طول
هذي اللوائح ، هذي اللوائح << كلمة حافظينها للأسف ..

الملك عبدالله ماقصر سوى كل اللي عليه عشان بنات البلد يتوظفون ، فاتح أبوابه للناس وهو ملك الله يحفظه ،
وحنا عميدة كلية أبي أكلمها تأشر لي من بعيد وتقول لا .. يعني لا تكلميني ..
عميدة ثانية أكلمها مية ألف مرة أدق بالأخير ردوا ويقولون مشغولة مشغولة << يعني مستحيل تكلمينها ..

لا وأقول لمديرة مكتب أحد العميدات المسؤولات ليه هالشرط ماحطوه جامعة الإمام وسعود ؟ أنا قدمت ورحت قابلت ما قالوا شي .. قالت ليه ماقبلوك طيب ؟ قلت توهم ماطلعت النتايج مو قصة رفضوني ..
قالت لا تتوقعين أكيد بياخذون أعلى نسب ، قلت لها يعني أنتي الحين تعلميني أنهم ماراح يقبلوني !!

والله هزلت ، هزلت
فساد ، حنا يالسعوديات يطلعون لنا عذاريب من تحت الأرض والأجنبيات متنعمات في خير هالبلد ..
خلاص بس يكفي إلى هنا .. وش تبون توصلون له !

الملك قال وظفوا بنات البلد وأعطى كلمة ،

وأنتم يادكتورات وعميدات على بالكم قاعدين تطبقون اللوائح !! << طبعاً يقصدون لوائح وزارة التعليم العالي

اللوائح انقدوها ، إذا فيه غلط عدلوه ، تكلموا ، برروا ، مو كل ماجاء أحد سألكم قلتوا هذي اللوائح ، هذي اللوائح ..


<< هذا ما حصل معي للأسف في أحد الأقسام في جامعة الأميرة نورة

حسبي الله ونعم الوكيل