المشاركة الأصلية كتبت بواسطة الغازي

بأعطيك مثال :
الحين لو أنت تبغى تتسبح في البحر أو في مسبح معين و إنت لابس الشورت ... أول ما يدخل جسمك في موية المسبح راح يكون ولوجك في الماء بالتدريج لأن جسمك بيكون حار و حرارة الموية بتكون أقل من حرارة جسمك فما لك إلا بالتدريج و بعد كذا سبحان الله جسمك يتكيف مع حرارة الموية لأن تكوين جسدك يختلف عن تكوين الماء سبحان الله

اللي أقصده : إن إنت و الزوجة طبائعكم تختلف و تربيتكم تختلف إلا في الأساسيات و زي كذا ... هي دخلت حياتك و بيتك بتصور يختلف عن تصورك إنت و إنت نظرتك تختلف عن نظرتها للزواج فهي بتدخل حياتك بفكر و منطق يختلف عن منطقك و فكرك و إنت كذلك ... و إنتم الإثنين مو متعودين على طبائع بعض ممكن تكون هي من بيئة تختلف عن بيئتك و ممكن التربية و الأسلوب كذلك هي تربت على أسلوب معين و إنت تربيت و نشأت على أسلوب معين يختلف عنها ... فلما يتم الزواج بإذن الرحمن الرحيم و تبدأ تعيشون مع بعض في حياة مستقلة تبدؤون تلاحظون الفروقات بينكم و الإختلاف في الرأي و الفكر و العقلية و الثقافة و الأسلوب .. فكل واحد منكم يختلف عن الآخر لأنكم ما عشتم مع بعض و هذا أمر طبيعي جداً فيحصل هنا الإختلاف و ممكن توصل للزعل و الخصام لأن كل واحد يبغى يفرض رأيه أو يفرض التعامل اللي كان متعود عليه في بيته و عند أهله فيصير الصدام ... لكن رحمة الله و بركته على المتزوجين هي اللي تذيب الإختلاف بينكم ثم مرور الأيام و السنين و كذلك الأطفال و العشرة
بمعنى آخر لما تطول المدة بين المتزوجين شوي شوي مع الأيام يبدأ الطرفين يفهمون بعض و يعرف نفسيته و أفكاره و رغباته و طبائعه مثل اللي يبغى يسبح شوي شوي يدخل الماء لين جسمه يتكيف

طبعاً أهم سبب يجعل الزوجين متفاهمين " الحب "
لا إله إلا الله محمداً رسول الله