حبنا لوطنا مو مرتبط بالفلوس ولا بالوظيفة حب وطنا حب يجري في عروقنا و دمنا
حب وطنا فخر و مصدر سعادة ... و حب الوطن مو لأجل مصلحة أو غيره
حب الوطن مو اللي يسكن خارج السعودية و يتصدق لفقراء الخارج
حب الوطن مو اللي يتكلم عن عادتها و تقاليدها << السعودية
حب الوطن دين و شرع في دستورنا
و حب الوطن إننا نطالب و نغير عليه على إنه يكون فوق هام السحب
حب الوطن يظهر في غيرتنا يوم نشوف اللي من خارج الوطن متربع على عرش المناصب و إبن الوطن مغلوب على أمره ...

أكبر قهر يوم يجي عيد الفطر على المسلمين و ياخذون إجازة اللي شغالين في الوظائف الحكومية الرسمية و يتمتعون بزيارة الأهل و الأقارب مدة 6 أيام أو 10 أيام أو أسبوع و اللي شغالين في الشركات إجازتهم 3 أيام لأن المدير اللي في الشركة اللي ماهو سعودي ولا هو مسلم ولأنه مو مهتم بعيدنا فقرر إن العيد مو مهم له لأنه مو مسلم ولا يهمه فيظطر السعودي يشتغل وهو مغبون و مقهور و إن غاب يخصم عليه و عينه تناظر عيال البلد اللي شغالين في الوظائهم الحكومية راكبين سيارتهم و يتمشون وهو مكروف في وظيفته اللي راتبها على قدر الحال .. و الحمدلله رب العالمين


فرق بين حب الوطن وهذا شيء لوحده سعاده
و فرق بين إن الشاب السعودي يكون سعيد لما يتوظف في وظيفة حكومية يحس فيها بالفخر و الإنتماء و فرق لما يحس بالظلم من معاناته من البطالة و أتحدى إيه أتحدى أي شاب عاطل عنده همه و طموح و رغبة و الشهادات أنه يكون سعيد وهو عاطل و لما يقدم في الشركات يتحكمون فيه و يظلمونه في الراتب و الدوام و العنصرية من غير أبناء الوطن