تعبت انا اكتـــــم صرخه القلب بسكوت
حزن والم ، ضــــاعت جميع الاماني !
وتعبت اداري دمعـــــتي ، حيل مغموت
لا الناس توفــــــــي ولا زماني وفاني !
الناس تحــــــــسدني ، على قول مبخوت
مايـــــــــــعرفون اللي حصلي بزماني !
ضـيقه صدق مع شوق والدرب مخبوت
راح الفـــــــرح والحزن والضيم جاني !
اضحك بوجه النـــــــــاس وألف واموت
واضحك بوجهك والتـــــــفت ثم اعاني !
اسمك حفرته داخل القلــــــــب منحوت
عطيتك اخلاصي وحبي وحنــــــــــاني !
مايــــــــــــوم في قلبي غلا غيرك يفوت
ولا يـــــــوم فكرت اعشق انسان ثاني !
كنــــــــــــت بحياتي حب صادق ومثبوت
مهمـــــا نكرت ، الحب في العين بانـي !
رحت وهجرت بصمت ساكن بلا صـوت
رحـت ، ورحيـلك هز قلبــي وكيــــاني !
اكتـــــــــب بك اشعاري وانظـم بالبيوت
ابيــــــــــــك تقراني ، وغيـرك قراني !
والمشـــــــــكله للحين احبـك وبسكوت
مهمــا هـــجر قلبك وصد ونســـــاني !
تبغى دلـــــيل اني على حبـــــــك اموت
للحــــــين احبك ، كثرر ما ني اعاني !