المشاركة الأصلية كتبت بواسطة ام ريكو

اهلين رغد الرياض كيفك
من اسمك واضح انك من سكان الرياض
كيف امورك كل شي تمام
انا احس ان لازم احد يذكرهم ان احنا حريم يعني موزي الرجال يزهب الواحد شنطته باليل وبكره الصباح السفر تارك وراه الحرمه وعيالها وهو طالع اعطاها كم قرش وقلها خلي السواق يجيب لكم اغراضكم وعادي اذا بتروحي وتجين تتقضين وروحي عند اهلك احسن
طبعا هذا كله وهو واقف على الباب
لكن احنا غير قصه وين نحط العيال ومين يروح معنا وكيف نسكن
احنا الحريم قصه
المفروض كل واحد يفهم في السعوديه اللي يبدأ معنا موضوع لازم يكون مرتب ودقيق وفي مواعيده لان احنا كل شي في البيت الام والاب وكل شي
ومقيدين في ذا المحرم لازم يروح معنا ولازم هويحجز لنا بيت ولازم ياخذ اجازه من عمله للمرافقه
والله اني معجبه في كل حرمه سعوديه مااحد داري عنا ولااحد راح يعطينا شهادة تفوق غير انفسنا
مافي مثلنا
يقولون غير منظمات مانحترم المواعيد
كذب كذب كذب
بدليل حرقتنا في المنتدى كلها بس عشان نبي نرتب امورنا ووضعنا