شباب بنات ,جبت لكم الخبر اليقين عن اختبار الامانه هع

اول شيء .. الاختبار يشمل ثلاث وظائف وهي


1\ باحث ميزانية مساعد >> وظيفتي اللي مقدم عليها
2\ محاسب مساعد
3\باحث محاسب مساعد << يمقن تسذا ويمقن لا


المهم .. دخلونا مع الوقت واخذوا تقريبا ربع ساعه زيادة ينتظرون المتاخرين

بعده جلسونا بالمدرج ولازم تترك كرسي فاضي بينك وبين زميلك ^_^

وزعوا علينا استبيانات لجامعه الملك عبدالعزيز ,فيها اسم الطالب والرقم الجامعي وتسذا

راح يقولوا لكم ,عند اسم الطالب اكتب اسمك ,وعند الرقم الجامعي اكتب رقم هويتك ,وعند اسم المادة اكتب وظيفتك اللي مقدم عليها

طبعا تكتبوها بالمرسام ,عاد انا كتبت اسمي بالقلم الحبر قلت يمقن يغيروا الاسم يمقن لا خ خ خ<<لازم حراصه شوي

بعدها راح يبدا الاختبار وهو :-

ثلاثين سؤال كل سؤال ثلاثين ثانية ,واربع اختيارات .. بس الاستبيانه فيها خمس اختيارات انتبهووووووووووووووا

انا غلطت مرتين فيها

الاستبيانه تبدون من اليسار لليمين ,بس ركزوا بالخيار الخامس لايلخبطكم مثلي


الاسئله وطبيعتها :-

يسئلونك بالوظيفة نفسها ,يعني مدقق رواتب >> كل اسئلتهم عن التدقيق وشلون يعملون وايش يصير وتسذا

مثلا مشغل حاسب >> راح يسئلكم شلون تشغل الحاسب وايش البرامج حقت التشغيل وتسذا


بس انتبهوا .. ترا مو نفس التخصص اللي مقدم عليه بتكون الاسئلة ,راح يسئلونك كذا سؤال لان معاك تخصصين بنفس الوقت بس كلها بتكون قريبه من تخصصك


الموضوع يحتاج تركيز تركيز تركيز فقط

والتوفيق اولاً واخيراً بيد الله

بس بيني وبينكم حسيته حلو واحلا من الاختبار الاول

يالله انا طالع للرياض ,امنياتي وتمنياتي للجميع بالتوفيق

ودي