مرشحات الدفعه الثانيه ماله علاقه بااستبعاد مرشحات الدفعه الاولى
اصلا لو كانوا اعلى نقاط من مرشحات الدفعه الاولى
كان من اول هم الي ترشحوا في الدفعه الاولى




طريقة الاستبعاد باعطيكم مثال عليها

مثلا عندنا نوره وساره كلهم خريجات قسم لغة عربيه

نوره نقاطها 74,5 والرغبات عندها الرياض ، عسير ، المدينه ، عرعر ، جده
قبلت في عرعر وباقي المناطق سد الاحتياج فيها بنسب اعلى

ساره نقاطها 74 والرغبات عندها الرياض ، عسير ، عرعر ، جيزان
قبلت في جيزان وباقي المناطق سد الاحتياج فيها
عند المطابقه كان في خطأ عندها وعدلوه لها وصار نسبتها 75

بتكون نقاط ساره اعلى من نوره
وبالتالي بتاخد مكان نوره في عرعر
وبتصير ساره في عرعر ، اما نوره بتطلع من الترشيح لان كل المناطق الي اختارتها خلص الاحتياج فيها

لو كانت نوره مختاره كل المناطق كان صارت تبادل في الاماكن بس
ساره في عرعر ونوره في جيزان
لكن لان نوره مااختارت الا مناطق قليله ومو من ضمنها جيزان طلعت من الترشيح

اتمنى اني قدرت اوصل لكم الفكره