المشاركة الأصلية كتبت بواسطة عاطلة مش بطالة

وعليكم السلام ورحمة الله وبركاته

شغل المندوبة معناه راح تنزلين الميدان .. تروحي للأماكن اللي هم راغبين تتعاملين معها .. وبعضهم يطلب تروحي لأماكن مختلطة << هالشيء لازم يكون في اعتبارك وتعرفين وين راح تروحي قبل توقيع العقد

التسويق إذا ميداني ينطبق عليه نفس الكلام فوق وإذا الكتروني ( إيميلات ومنتديات ) وهاتف هذا وأنت في بيتك أو في المركز حسب اتفاقكم

وطبعا يفترض تأخذين منهم مقابل !! هذا شغل ومن حقك ما أحد يمن عليك شيء! ولعلمك هم يوظفون المناديب برواتب أقلها في أسوأ الحالات 3 آلاف + نسبة من أي شيء يباع عن طريقه .. ما أقول افرضي عليهم رقم لكن لا تتنازلي أو تتحسسي من طلب حقك

ما لها علاقة بعزة النفس .. يعني لو توظفت مندوبة أو مسوقة لمركز حكومي بيصير فيها شيء تأخذين راتب ؟ هي وظيفة مثلها مثل أي وظيفة

وأنصحك ادخلي على موقع وزارة العمل واقرئي كل ما يخص حق العامل قبل توقعين معهم أية اتفاقية

وفقك الله