مثلي مثل اي بنت درست وتعبت وكل سنوات دراستها ماترضى الا بتفوق ودخلت الكليه واجتهدت وواظبت على محاضراتي وذاكرت ومعدلي ماكان ينزل عن 4 ولله الحمد والمنه .. وتخرجنا واخذنا مرتبة شرف وكل آملي اني اتوظف مدرسه .. اول سنة جلست فيها عواطليه ماتتصورن قد ايش حسيت بنقص .. قدمنا ع جدارة على آمل انهم يقدرون سنوات التعب والمعدل اللي يرفع الراس جابوا لنا حكاية نقاط مفاضله .. قلنا طيب نقدم السنه اللي بعدها طلعت لنا هرجة الواسطه قلنا ماشي ماعندنا واسطه ايش نسوي ؟ .. قدمنا السنه اللي بعدها طلعت لنا شغلة الأخوات كل وحده وسته من اخواتها راصينهم رص وطبعا مو كلهم عشان مااظلم احد بس النصيب الأكبر اخذوه اهل الواسطه طلعوا بمخرج ع حكاية الأخوات .. ودخلوا لنا في دوامه ثانيه وطيروا بياناتنا من الموقع ونرجع نعبي البيانات من اول وجديد ويطلع قرار ان اللي عدل بياناته ينحرم من دخول المفاضله طيب ليش من الأساس الحركه هذه ؟ قولوا لنا مافي وظايف وخلاص ليش اسلوب الإستغفال في اسخف موقع شفته في حياتي (جدارة ) مشاكل العالم تخلص الا مشاكل جدارة وقراارات جدارة وتخبط جدارة .. خلصنا من جدارة جانا حافز كل يوم يطلعوا لنا بقرارات وبعد ماخلصت القرارات ومالقوا ولا شي على المستحق الضعيف عشان ينحرم منها .. طلعوا قرار اقل مااقول عنه انه مضحك القرار هو في حال وفـــــــــــــــــاة المتقدم بطلب الإعانه يحرم من استحقاقها صاروا يتفاولون علينا كمان بالموت عشان يسقطون الإستحقاق .. ضاقت عيونهم على 2000 ريال ضاقت قلوبهم على فرحة اي واحد يستحقها ... كل يوم قرار اسخف من الثاني كل يوم ناس تنحرم بسبب تافه كل يوم اول شي تستقبله في جوالك رساله من حافز تخبرك ان هالإعانه مو عشان تجلس عشان تقوم تدور لك وظيفه يعني ذل عيني عينك طيب فين الوظايف فيييييييينها عشان تستخفون بعقول العاطلين ؟ حتقولون لي اشتغلي في ملاهي شغلي العاب للأطفال !!! والا الوظيفه الثانيه اشتغلي في مصنع 8 ساعات وانتي واقفه تعبين كراتين !!! والا وظيفه المحلات النسائيه وبيع المستلزمات النسائيه هاذي اقدر اقول انها اهون وظيفه عندي لكن ليش مع تزامن تطبيق قرار تأنيث المحلات اصدروا قرار يسمح بدخول العزاب المولات ؟ طيب لأي غايه تبغوا توصلونا ياناس ؟؟ طيب انا زيي زي اي وحده كل حلمها انها تتوظف وظيفه من حقها تساعدها ع امور الحياه وتقدر تكون فرد منتج في مجتمعها .. صارت الوظيفه والعيشه الكريمه من آحلام اي فرد سعودي .. يعني بلاد ماشاء الله تساهم في بناء وعمار دول اخرى بمليارات الريالات .. مو من حقنا ياوطني انك توفر لنا سبل الراحه والعيشه الكريمه والوظيفه المطلوبه ؟ ليش وصلو لنا لحالة الهستيريا صار كل همنا في هالبلد الوظيفه وصار كل واحد يحسب حساب هالوظيفه من اول مايدخل الجامعه ياترى حتوظف او لا ؟ اكيد الكل بيقول رزقك ع الله .. اي نعم الحمدلله الكل موقن تماااااااااما ان الأرزاق بيد الله . لكن .. لمن نكون نخاف الله في وظايفنا ومناصبنا ومانستغلها لأغراض شخصيه وما نمارس دور مناصبنا بقرارات تعسفيه .. ونخلي كل واحد ياخذ نصيبه وحقه في الوظايف اقدر اقول هنا الحمدلله الرزق ع الله ... لكن الفســــــــــــــــــــاد وآفــــــــــــة الفساد انتشرت وصارت داء ماله دواء غير من رب العالمين .. وصار الرابح الأكبر اللي ينهب اكثر يربح اكثر .. ولازالـــــــــــــــت هموم المواطنين اولها وظيفــــــــــه ومسكن ملك .. وتسديد القروض .. ويابلادي واصلي ! [align=left] شكرا صبا انك سمحتي لي افضفض عن الغصه اللي في قلبي [/align] عاطله مع مرتبة الشرف .