[align=center]السلام عليكم

اخواني انا جاني خبر من واحد شغال بالادارة ان الدورة بشهر عشرة

وفيه دورتين وحدة بعسير والثانيه للحين ما تحددت

والرجال اللي قال لي شغال من الرائد جمعان المالكي



وبخصوص اللي يسال عن طبيعة عمل السجن

انا بتكلم بصورة مختصرة حسب طبيعة عملي وادارتي بالمنطقة الشرقية

فيه عمل المكاتب وعمل الطلبات وعمل العنابر وعمل السواقين وعمل الابراج

المكاتب والسواقين ما تشملهم ال 25% اللي هي بدل خطر

اما باقي الاعمال تشملهم ويتراوح الراتب ما بين 7500 الى 8000 ريال

حسب الدورة اذا كان فيها دورات مثل الغازات والشغب وحماية مواقع وحماية شخصيات
تاخذونها من ضمن الدورة الفرد الاساسي

وتصرف لكم عليها بدلات

العنابر كل فرد مسؤل عن عنبر من كل شي يتعلق بالسجناء فيه

والابراج معروفه طبيعة عملها

والطلبات هي شبة دوام يومي تجي الصباح وتسجل اسمك بدفتر الطلبات ويسلمونك سجين بقيد وكلبشه ويوجهونك فيه للمحكمة الكبرى الجزيئة المستشفى على حسب الطلب

تروح معه وعينك عليه ولا احد يكلمه ولا يقربه الين تخلص معه طلبه وترجعه وتسلمه السجن وبعدها الله يستر عليك

طبعا كل ادارة سجن لها انظمة مختلفه شوي من ناحية الدوامات

الاستلامات وغيرها تختلف حاجات بسيطة

اهم شي قم بعملك باكمل صورة ولا تخلي احد له عليك طريق وكلام


واهم شي لا احد يكتب فيك محضر عصيان او انسحاب لانها تضرك بالترقية وتصير بملفك


اتمنى قدرك افيدكم او افيد بعضكم اللي ماعنده خلفية بعمل السجون

[/align]