المشاركة الأصلية كتبت بواسطة مبتدئ بالتجارة

[align=center]اول شي الحمدلله على كل شي

ثاني شي سويت المقابلة يوم الثلاثاء الساعه 8 صباحا.

التفاصيل مع مبتدئ بالتجارة:

رحت لأمن المنشأت وصلت عندهم الساعه 8 صباحا جيت عند البوابه فتشني العسكري ممنوع دخول الدخان والجوال ثم دخلت ورحت اتأكد من اسمي من عند رقيب اول ثم حصل اسمي ثم اعطاني الاستمارة حقت القبول اللي طبعتها من النت ثم اخذت رقم ثم دخلت طبعا مافيه زحمه مرة الصالة فاضية يوم جيت اللي قدامي بالمقابلة مايتعدون 15 واحد واللي وراي مايتعدون 8 نرجع لحديثنا ثم جيت عند اللي يدقق الاوراق وكيل رقيب ودقق فيها وقال صفها وخرمها ثم صفيت الأوراق ثم خرمتها ثم رحت عند ضابط ملازم اول يدقق بالاوراق ثم وانا ادقق الاوراق دخل اللواء سعد الماجد ثم جاء عندي يناظر بالاوراق قال لي وش اسمك خبرته اسمي قال من وين قلت من منطقة الرياض قال تدري وين التعيين قلت الشرقية قال مو تجيني بعد ماتداوم ثاني يوم تقول بنقل قلت ايه إن شاء الله ( عز الله بزعجك من كثر ماأجيك ) ثم ختم لي الضابط على تدقيق الأوراق ثم رحت للطول والوزن ثم انتظرت المقدم الى ان جاء وختم لي ثم رحت داخل ثم جاء جندي اول وحضرني ثم بعده وكيل رقيب وحضرني ووزعو استمارات حقت المقابلة الشخصية الأولى وعبيتها ثم دخلت عند المقابلة الشخصية عند رقيب مطوع محترم وحبيب يسأل وشلونك من وين وش طموحاتك وقال اقر الورقة طبعا الورقة عبارة عن حديث ثم قال اقرا من القران وقريت قال موفق قلت وياك ثم رحت للمقابلة2 وعطوني استمارة وعبيتها وسويت مقابلة مع نقيب ماطول معي ثم قال موفق ثم رحت للبصمات واخذت ورقة البصمات والدفتر وقال خلاص ثم طلعت من عندهم الساعه 10 الا ثلث .

الله يوفقنا وياكم بالقبول النهائي[/align]