اقتباس:
المشاركة الأصلية كتبت بواسطة الجارح الحر
مع العلم اني متوظف في شركة وراتبي مع دعم صندوق الموارد البشرية يوصل 6000 وخصم التأمينات صافي لي 5600 ريال
وما ودي اقرر اني انتقل للحكومة اذا بيكون راتبي 3000 يعني راح نصف الراتب اللي اخذه اللحين
وش تنصحوني فيه ؟
ودي استقر واتزوج وارتاح بس
والله محتار .. وما ادري وش اسوي قدمت اوراقي ومقبول عندهم وباقي الفحص الطبي
ومتردد في الاستقالة او الجلوس في الشركة
وش شوركم يا اخوان اللي يشتغل على بند الاجور ؟
--
|
اخوي قدم عن طريق الديون ديوان الخدمة المدنية هي الوظائف الرسمية وتكون على المرتبة السادسة كما ذكرت وخلك في الشركة لين ما تطلع لك الحكومية الرسمية اما انك تروح الحكومة وبند الاجور على راتب ثلاثة الالف و بدل تصنيف الف ماتسوى مدام انك شغال خلك في شغلتك تكسب خبرة وممكن تحصل على زيادات تنسيك الحكومية انا موظف قطاع خاص و كنت استلم في بداياتي راتب الفين ريال والحمدلله الان استلم فوق الثمانية مع البدلات والافر تايم ومتزوج ومستقر لو كنت على راتب ثلاثة الالف والله ماتزوجت لانها ماتفتح لي شقة
اخوي بعطيك ميزة في القطاع الخاص القطاع الخاص يدبل الراتب في يوم وليلة من خلال تطور الشركة او من خلال تنقلك من شركة الى اخرى وهذا احسن شيئ في القطاع الخاص لكن ان توفقت في شركة مرموقه اما ان كنت في شركة لعب بتضيع عليك