طيب هذي يبيلها تخطيط وبعدها تنفيذ ..
وش رايكم نخصص رقم هاتف جوال ياخذه واحد منا ويكون منسق كـ بداية طبعاً ..

العملية :
أولاً كل واحد في مدينته مثلاً الرياض
- سوق الخضار العزيزية .. ينزل واحد ويشوف اكبر سعودي فيه ويتفق معه
ويرسله ناس اللي جاده في العمل وتبي الرزق منها يترزق هو ويترزق اللي يبي الرزق ..
- المزارع .. خارج الرياض اللي يكون فيها سعوديين ويبون يصرفون محصولهم .. نتفق معهم ونشتغل معهم ..
- سوق الغنم .. نفس الحكاية ..
- سوق البرسيم والعلف .. نفس الحكاية ..
- سوق الملابس الجملة - نفس الحكاية ..
- جميع الأسواق الحساسة واللي دائماً يتجمعون فيها الأجانب .. ترى الشيء اللي يتجمع فيه الأجانب أعرف انه مربح وأضعافه ضعفين ..

ومثال ذلك التظليل تظليل السيارات اذا كنت بأظلل سيارتي خمس قزازات ياخذ مني من 60 الى 80 ريال
هذا مني أنا فقط .. وشوفو كم سيارة تجيه في اليوم تتظلل ..

يعني لو قلنا من الصبح الى الليل جاته 6 سيارات .. المجموع 60 * 6 = 360 ريال في اليوم
واذا 80 * 6 = 480 ريال في اليوم ..
يعني مجموع مدخولاته في الشهر من 10,800 الى 14,500 ريال ..

هذا فقط اذا كان يجيه في اليوم 6 سيارات للتظليل فقط .. واذا زادت عليكم الحساب !
وغير اذا كان هناك مستلزمات زينة وخلافها للبيع ..

والتظليل مايبيله شيء وما يأخذ معك غير نصف ساعة الى ثلث ساعه لكل سيارة ..

والله فيها رزق وخير .. ما تطلعه ولا في أي وظيفة حكومية أو خاصة .. العمل الحر فيه ربح ومدخول قوي وجيد .. استغله هالأجانب من كل صوب ..

ومثل ما قلت لازم نخطط وننفذ وما نبغى كلام على ورق ..
وأنا أحد الجادين وفي الرياض .. وودي أشتغل في الخضار أو في التظليل وحده منهم ..

واللي عنده خلفيه في هالأمور يا ريت يطرح افكاره هنا ونتفق جميع معاه ..

الله يوفقنا جميع ..


--