وايضا هذي من اسئلة الاختبار الشفهي في عام 2011
اقتباس:
المقابلة كانت كالتالي (طبعاً تخصصي لغة إنجليزية)
سؤال : عرف بنفسك (باللغة الانجليزية طبعاً )
السؤال الثاني : لماذا تريد ترك مهنتك الحالية (أنا معلم طبعاً)
السؤال الثالث : يعطيك جريدة انجليزية وفيها مقطع محدد بقلم أحمر ويطلب منك قراءتها ويسألك عن كلمة فيها ومعناها
ثم يطلب منك ماذا تتحدث عنه القطعة؟
السؤال الرابع : سؤال في التخصص وكان عن اللغويات ...؟
السؤال الرابع : تعريف الـ Pragmatics?
السؤال الخامس : يعطيك مصطلحات سياسية باللغة العربية ويطلب منك ترجمتها إلى اللغة الانجليزية
وكانت المصطلحات : السياسة الخارجية - اتفاقية - منظمة العفو الدولية - وغيرها ما أتذكرها
السؤال السادس : كيف ثقافتك؟ وما الكتب التي قرأتها مؤخرا .. ومن مؤلف كتاب نيل الأوطار؟
السؤال السادس : يسأل عن بعض ما فهمت من هذه الكتب؟
السؤال السابع: واحد يقوم يتفلسف ويقول : أنا أخذت عنك فكرة وانطباع ايجابي أول ما جلست .. ما هي الدروس المستقاة من هذا الكلام --- طبعاً سؤال ما يندرى كيف يتم الجواب عليه ... قلت ما فهمت السؤال ، بعدها قال هذا الشخص المتفلسف : أنا أكتفي؟
السؤال الثامن : دولة جديدة ستظهر إلى الوجود قريبا وستتقدم بطلب انضمام إلى جامعة الدول العربية .. ما هي؟
السؤال التاسع: الجمهورية العربية الصحراوية .. هل سمعت بهذه الجمهورية من قبل؟
السؤال العاشر : ما هي الصحراء المتنازع عليها عربياً ؟
ثم خرجت من عندهم ، وفيه واحد واقف هناك "موظف" بيقول لك بنتصل عليك .. فإذا قال لك هذه العبارة فمعناها : اقلب وجهك أو اقضب الباب..
"وعسى أن تكرهوا شيئا ويجعل الله فيه خيرا كثير
|
اقتباس:
نفس تجربة اخوي
بالاضافة
سالوني عن رئيس مجلس الوزراء ايش اسمه بالانجليزي و مجلس التعاون الخليجي
و انا حاط تفاصيل عني زيادة و سالني فيها
و رديت عادي و قاطعني بسؤال
و بعدها شكرا
الغريب انه ما سالني كل الموجودين كما سمعت
بالتوفيق لمن اجتاز الاختبار
|
اقتباس:
و المقابلة سهلة لكن يبغالها تماسك و هدوء و معلومات
ركزوا على على تعريف اللغويات و فروعها غالبا راح تسالون عنها
جهز لك كلمتين تتحدث فيها عن نفسك باللغة الانجليزية بدون لعثمة او تردد
و الباقي قول يالله و حسب علمك
|
اقتباس:
مبرووووووووووووووك لكل الي اجتازو المقابلة الشخصيه للمعهد
بالنسبه لي ماقبلوني لأن اجابتي في الاختبار التحريري عن عمل المرأه مااعجبتهم رغم انها من القرآن والسنه
لكن حسب ماوصلني من الدكتور اللي كان من ضمن اللي تقابلو معي في المعهد يقول يبون متفتحين
حتى اللي جا بعدي قالو له ترا في السفارات فيه اختلاط وحفلات وشرب..كانك موافق قبلناك..قال لا..قالو الله يستر عليك
حتى يوم شافو ورقتي في المقابله سألوني سؤال واحد
وش الكتب اللي تقراها بعدها قالو الله يوفقك
بالتوفيق لكل اللي اجتازوها
وراقبو الله في السر والعلن
موفقين يارب وان شاءالله خيره للي ماقبلوهم
|
اقتباس:
السلام عليكم ورحمة الله وبركاته
كانت مقابلتي في اليوم الأخير تخصص اللغة الانجليزية
وتقريبا كانت الاسئلة مثل التي طرحت على اخوي الطيلسان...
في البداية سألني رجل ملتحي باللغة الانجليزية .. (تكلم عن نفسك) والحمدلله جاوبت بشكل جيد
السؤال الثاني من نفس الشخص قال ان اللغة تنقسم لعدة اقسام منها السيمانتك >تكلم عنها؟
طبعا انا جبت كلام من راسي واكيد خطأ 100%
والسؤال الثالث من نفس الشخص اعطاني كلمات بالعربي واترجمها بالانجليزي مثل(العلاقات الخارجية ورئيس الوزراء. والامم المتحدة)
والسؤال الرابع : جلس يذكر اسماء اشخاص اجانب غربيين ويقول هل تعرفهم ؟ ما عرفت ولا واحد كلهم اسمائهم
غريبة واول مرة تمر علي ..
السؤال الخامس: قال ما هي اللينقوا فرانكا؟؟؟ جاوبت اي كلام
السؤال السادس:من شخص اخر قال اكيد انك سمعت برواية بنات الرياض وكيف انها اساءت للمملكة .. بما انك متخصص في اللغة . كيف ترد على الكاتبة؟ طبعاً ما جاوبت . قلت له كيف ارد لغوياً . قال انت بكالريوس لغة انجليزية ودرست الادب والروايات ... قلت انا تخصصي ترجمة وما درست اي شيء يتعلق بالادب!!
قال انا اكتفي بهذا القدر..
بعده جاك الشايب النفسية اللي جالس في الزاوية ومنزل الشماغ ..
وقال : أنا أخذت عنك فكرة وانطباع أول ما جلست ولكن بعد ما تكلمت تغيرت الفكرة والانطباع لدي... ما هي الدروس المستفادة من هذا الكلام ؟؟!! جاوبت والله اي كلام قال لي انت شرحت سؤالي انا ما طلبت منك تشرحه
انا اقول وش فايدة كلامي !! ما جاوبت !! وقال انا اكتفي
بعدين طلع لي واحد قال انت وش ثقافتك ؟؟ هل تقرأ كتب وما اخر كتاب قرأته؟
طبعاً اخوكم في الله ما يقرأ مثله مثل اغلب الشعب . قلت والله اقرأ مقالات واخبار قال من تقرأ له وجاوبت .
وقال كيف حضرت لهذه المقابلة ؟
وبعدين قال شكراً
طلعت وجاني الموظف قال بيتصلون عليك.
قلت له انا سمعت ان اللي تنقال له هالكلمة يعني ما فيه أمل قال والله مدري بس توكل على الله وان شاء الله خير
...
المهم ان ادائي في المقابلة كان سيء 
الحين كل الشباب قالوا ان الموظف قال لهم بيتصلون عليك ... هل فيه قالوا له غير هالكلام؟
مع تمنياتي للجميع بالتوفيق
|
اقتباس:
الكلام الثاني اللي يقولونه غير بنتصل فيك .. موعدك بكره بالوزاره بعد الظهر
انا لاحظت من اغلب الاخوان اللي ما انقبلو انهم يشخصنو الامور يعني تلاقيهم يدخلون ويحكمون على الاشخاص بأسئلتهم ... يآخي هذولا موظفين ومن واجبهم انهم يسوو كذا يعني لمى يستفزك بسؤال لا تأخذ الامور بمنحى شخصي هو واجبه انه يشوف رده فعلك ويقيسها وبناء عليها يختارك او لا صدقوني الموضوع ماهو شخصي بقدر ماهم اشخاص يؤدون عملهم بطريقه يمكن ما تعجبنا كلنا بس بالاول والاخير هذا عملهم ..
اتمنى التوفيق للجميع .. واتمنى انه الناس تستفيد من تجارب غيرهم ..
مع التحيه
|
اقتباس:
هين هالأسئلة واجبه .. عشان يشوفوا الشخص الصريح من إلي بس يتكلم حتى لو خطأ
يعني قووية أنك تجاوب ع شئ و أنت تدري من داخلك إن الكلام الي تقوله أنت نفسك م تدري عنه
بخصوص مقابلة الوزارة مع الأمير محمد بن سعود الكبير و معاه كم سفير
كانت أفضل من مقابلة المعهد لا من ناحية الأسلوب و لا من ناحية الكم الثقافي الي تناقشنا فيه
تحس لك هيبه و أنت جالس معهم هههههههههههه
|
اقتباس:
يا ريت الاخوان اللي اجروا المقابلة في الوزارة يحكونا عن تجربتهم للفائدة
و شكرا
|
اقتباس:
مقابلة مثل غيرها ... أسئلة عامة و أسهل بكثييير من المعهد
يمكن أسميها دردشة عشان يعرفونك أكثر
م فيها أسئلة تحمل جواب معين
يعني سألوني ليه أخترت الخارجية ... و وشو هدفك الي تبي توصله ... وشوو مستعد تقدم عشان هالوظيفة
وشوو تقرأ لكاتبيين ... هل انت مستعد لحياة الدبلوماسي من ترحال و عدم الإستقرار و التعرض للمخاطر
و بعض الأسئلة الخاصة الي تختلف بحسب الشخص عن التخصص
و أظن م أخذت أكثر من ثلث ساعة
|
اقتباس:
اخي الكريم
ابارك لك على الترشيح واسأل الله العلي القدير ان يكتب لك الخير في وظيفتك وان يحقق لك ما تريد.
انا قرأت لك في بعض مشاركاتك السابقة انك دخلت اختبار وزارة الخارجية اكثر من مرة
هل تخبرنا ماهي العثرات التي مرت عليك وكيف تجاوزتها في الاختبارات اللاحقة .
لعل من تجربتك نستفيد وتعم الفائدة للجميع وتكسب مننا الدعوة الصالحة ان شاء الله
ويالييت لو تخبرنا ماهو تخصصك
|
اقتباس:
الله يجزاك خير على الدعوه
تخصصي إعلام
صحيح انا اختبرت اكثر من مره وبالتحديد ثلاث مرات .. بالنسبه لأختبار السنه الماضيه واللي قبلها
كانت عندي مشكله بالانقلش بشكل كبير تفاديتها بإختبار السنه هذي والحمدلله الله يسر لي أمري
(اللغه مهمه واعتقد انها هي اللي نفعتني بعد الله )
اختبار الاسئله العامه والتخصص ما اعتقد انه فيها اختلاف على مدى الثلاث سنوات بس السنه هذي اضافوا للأسئله اسئله مثل اسئله القياس طبعا مع المعلومات العامه هذا اختلافهم السنه هذي عن اللي قبلهم .. وأتمنى اكون اعطيتك فكره عن الموضوع وشاكر لك دعوتك وعسى الله يوفقك ان شاء الله باللي تبيــه او تطمح له .. وصدقني مافيه شيء مستحيل الثقه بالله ثم بنفسك تســاعدك على مثل هالامور
تقبل الله مني ومنك الصيام والقيام انه على كل شيء قدير
|