السلام عليكم رحمه الله وبركاته

بداية أحب أوضح شغلة
أكره إني أتكلم بالمشاكل أو أخبار حزينة لأني ما أحب أسبب الكئابة للأشخاص الثانيين
لكن هالمرة بطلع اللي جوّاتي يمكن أحد فيكم عنده حلول وأفكار ، الدعوات غالية نحتاج دعوات

أمي أربعينية وأبوي أربعيني
أنا أفكر بالحياة كثير وأفكر بأمي وأبوي أكثر
أقسم بالله يا جماعة إن أمي وأبوي عاشو حياة تعيسة طول عمرهم وهذا ابتلاء من الله لا تعارض عليه ونحمده من قبل ومن بعد على كل شي الحمدلله على كل حال

لكن أنا كـ ولدهم أحاول أخفف عنهم بخلق الأجواء اللطيفة
نهرج ونضحك اخذهم برى للكورنيش أي مكان ونتمشى نروح السوق نتفرج بس

بيتنا صارلنا ساكنين فيه 20 سنة
نفسنا فـ بيت جديد في الحي الفلاني
طيب على الأقل نفسنا بأثاث جديد للبيت لكن الله يلعن الفلوس

كل ماشفت أثاث جديد أقول ودي أجيبه لأهلي بس من وين لي فلوس ؟
ودي أخواني الصغيرين يلبسون أحلى الملابس
ودي أجيب لأبوي صالة رياضيّة
وغرفة فيها مكتب فخم وكمبيوتر ومكتبة كتب
نفسي اجيب اثاث غرفة نوم لأمي وابوي واخواني
البيت كله يبغاله تغيير اثاث

اشياء كثيرة ماوقفة ع الاثاث وبس
ماعمرهم سافروا برى للخارج
ودي اسفرهم لـ ماليزيا مثلاً ، تركيا ، النمسا
ودي يشوفون الدنيا قبل لا يموتون - بعد عمر طويل يارب -

ودي اعوضهم واسعدهم
انا قاعد أفكر وأخطط وعندي دفتر كتبت فيه كل أهدافي وأحلامي

الحين هل فكرة البيت الجديد مستحيلة ؟
فكرة سفرة اهلي للخارج مستحيلة ؟

وهذا فالح يطشطش المليارات وليتها بالريال بالدولار على اسبانيا ومصر الدول كلها مو بس ذي الدول وشي مو جديد من زمان وهو بس فالخ يطشطش طيب ياخي شوف شعبك ترى الاولى بالفلوس شعبك من ناحية الحكم الشرعي هم المقربون هذا مو موضوعي
واصلاً كلكم عارفين الحقيقة الحين كل الشعب صار متفتح ويعرف هالشي ماهم زي أول
شوفوا التطور بدول اوروبا وامريكا واستراليا وكندا هذا كله وهم أفقر منا واحنا ندعمهم بالفلوس وبراميل النفط ................ لا تعليق

المهم
انا اقول امي وابوي تعدوا 40 سنة وهم ماذاقوا حلاوة الحياة
وتعرفون هالعمر يعني كبار خشو في مرحلة اليأس يعني وبدو يعجزون

وخلونا نتكلم بصراحة
الانسان بعد مايخش الـ 40 سنة تبدأ أعضاء جسمه بالتلف بالموت بشكل بطئ
يبدا كل ينكمش العظام الجلد كل شي يموت بشكل بطئئ
المناعة تضعف بشكل كبير يعني راح يصيب الانسان بالأمراض بعد سن الـ 40
زي السرطان ، السكر ، ضغط الدم ، الكلسترول .. حمانا الله واياكم من هذي الأمراض وكفانا شرها جميعاً

ودي والله اسعدهم واعيشهم احلى حياة قبل لا يمرضون او يموتون - الله يحفظهم ويعطيهم الصحة والعافية وطول العمر وكل اخوانا المسلمين والمسلمات -

كيف أحقق رغبتي هذي ؟