اقتباس:
المشاركة الأصلية كتبت بواسطة جبل شدخ
المزرعه بالحناكيه 100 كيلو عن المدينه المنوره طريق القصيم درجة الحراره مقبوله اخف من المدينه ب4 درجات الايجار 10 الاف العمال 2 حبشيين وكلهم داجيين صراحه كشغل ممتازين بس الخبره دجه رواتبهم 1000 ريال ماعندي خبير بالزراعه وهذا المشكله لو تشوف التجهيزات عز الله بتقولي ماقصرت البيوت المحميه 40 في 8ونص زرعت مكشوف ونجحت فيه بس المحمي مدري ليش الافات كثيره الي تصيبه يعني زرعت كوسه تحت الشاش ونجح معي نجاح طيب بس وقتها الاسعار كانت ضعيفه المشكله بالخبير وينه والله لو بفلوس لاجيبه بس والله ماخليت لي سنه كامله عجزت احصل المشكله المزرعه مالها صك مايطلعون عليها فيز الارض طينيه والان زارعين حبحب وبادي يزهر ماعندي حلال والمساحات طيبه الان 9 بيوت فاضيه مجهزينها وجالسين ندور عامل
|
هلا اخوي
اخوي الزراعة في المحمي يبي لها متابعة دقيقة وخاصة في المناطق الحارة
والسبب فب تعفن الخيار مثل ما ذكرت سابقا هو قلة التهوية وارتفاع الرطوبة لازم تسوي تهوية للبيوت المحمية كل ما لاحضت ان الرطوبة مرتفعة في البيت
المشكلة الثانية عندك هي العمالة اخوي الحبوش قه قه في قلب من لا يفقه صح يكدون بس ما يعرفون يتصرفون ومن الضروري يكون عندك عامل مختص وفاهم
لاكن مو مشكلة
عليك بالاتي
في الاراضي المكشوفة
ابدا من اليوم بزراعة
محبس فاصوليا او محبسي
محبس او اثنين كوسة
باذنجان
فلفل حار
وبامية وكلها زراعة تنقيط
في البيوت المحمية
ازرع بيت محمي طماطم وبعد شهرين ازرع بيت ثاني طماطم بعد
وكذلك بيتين خيار بنفس الطريقة
وكل ما خلص انتاج بيت من البيوت المزروعة ازرع الثاني مباشرة
واختصر البيوت المحمية على الطماطم والخيار
اخوي اذا عندك مساحة فاضية زايدة بعد ازرع لك كم حوض ورقيات
كزبرة - بقدونس - جرجير - شبث - سبانخ -
عشان تجني ارباح من المزرعة عاملين ما يكفون على الاقل لازم يكون عندك 5 عمال
ولا تقدر تجيب 5 عمال اذا ما عندك انتاج
طيب خلك معي لحضة بس
لو طبقة اللي سبق
وصار عندك انتاج من كل الاصناف اللي سبق كرها
فاصوليا - كوسة - فلف حار - طماطم - خيار - باذنجان - ورقيات
وقلنا انك تطلع كل يوم 15 كرتون من كل صنف
يطلع عندك 15 كرتون في 7 اصناف الناتج 105 كرتون يوميا ولو قلنا سعر البيع المتوسك للجميع 7 ريال يسير الناتج 735 ريال شل منها تكلفة الكراتين 100 ريال والحراج 70 ريال الصافي
565 قل يصفى لك 500 ريال بعد البنزيم ووو
اا اليومية 500 ريال يعني الشهر 15000 ريال
هنا تقدر تجيب 5 عمال ويسير عندك رواتب 5000 ريال والصافي 10 الاف شل منها 2500 ريال مصاريف مزرعة من سماد وبذور وغيرة الصافي 7500 ريال
باختصار عزيزي اذا الانتاج عندك مو متعدد الاصناف وعلى الاقل 5 اصناف صدقني تتعب وتزيد عليك الخساير
لان الخضار يوم لك ويم عليك
بالنسبة للعامل انا ان شا الله اشوف اذا قدرت ادبر عامل او عرفت احد عنده عامل ومستغني عنه بلغتك
واذا شفت ان الشغله ما هيب جايبه همها شف لك ناس ياخذو المزرعة بالانتاج النص بالنص هذا احسن حل
اخوي حاول تطلع فيزة سايق خاص وتجيب بها مزارع مضمون من الهند او مصر
اهم شي في البيوت الحمية المتابعة والمعرفة بالادارة
موفق اخوي
وللحديث بقية