الاخ القيصر الاسمري انا راح اجاوبك واحاول افيدك باختصار ....

التجسير اجيب عليك هو برنامج يسمح لحملة الدبلومات مواصلة دراستهم تسجل بفلوس طبعا ويعادلون لك المواد ويتكمل في الجامعة طبعا في الغالب الفلوس يعفونك عنها او حتى يردونها لك اذا واصلت وهناك خيارات للاعفاء اذا جبت معدل زين يعفونك مباشرة وتصير كانك طالب منتظم ماادري عاد بمكافئة او بدون الله اعلم والخيار الثاني تقدم على برنامج الملك عبدالله للابتعاث ويعفونك من الرسوم طبعا بعد ماتدفع رسم الترم الاول عشان يعفونك في الباقيه والخيار الثالث هو في بعض الاحيان يجي اعفاء رسمي من الحكومة وحتى ممكن يرجعون لك الفلوس اللي دفعتها في الترم الاول وطبعا اذا كان الوالد مسجل في الضمان الاجتماعي او جمعية خيرية او الايتام يعفونك مباشرة بهذي الورقة .

طيب نجي للدراسة والشهادة .. الشهادة تاخذ بكلريوس زيك زي اي طالب درس في الجامعة لانك صرت منسوب في الجامعة وتتخرج بشهادة بكلريوس من الجامعة ومافيه اي فرق ولا يكتبون مثلا ان هذا تخرج من الجامعة بنظام التجسير الشهادة مكتوب حصل على البكلريوس من جامعة كذا زيك زي اي طالب التحق بالجامعة وبصراحه هي فرصة ماتعوض لانه ترى اذا راح عليك التسجيل تنتضر سنة كامله مافيه تسجيل في منتصف العام .... والرسوم تقريبا بالنسبة لكلية العلوم اللي اعرفه الحاسب 9 الاف ولاتخاف من الفلوس هذا مستقبل اول شي وفرصة ماتعوض وثاني شيلاتخاف يعفونك من الرسوم في الغالب واذا جبت معدل زين تضمن الاعفاء .

اتمنى اني كنت افدتك بقدر المستطاع وبالمعلومات اللي عندي تقبل تحياتي والله يوفقك .
سامي المالكي .