بدخل على طول في الموضوع
جهاز اسمه
launch X431 master,

قيمته حوالي 6000 ريال في الصين
وفي السعوديه ممكن تلاقيه 11000 ريال
ماعلينا من القيمة لان فيه اكثر من جهاز ويمكن تختار اللي يناسبك
الفكره كلاتي

السيارات الحديثه من موديل 2000 وطالع يوجد بها جهار كمبيوتر يسجل اي خطاء يحصل بالسياره
ويوجد اجهزة فحص تقرأ هذا الكمبيوتر بعد ان تشبك في توصيلة مو جوده بالسيارة
وتحدد الخلل طبعا المسأله مش مثل مايعمل اكثر النصابين اللي يفحصون كمبيوتر عندنا بالورش ويضحكون على الناس .
المسألة لابد من اخذ دورة على الجهاز الذي تبي تعمل عليه
---------------------------------------------------
اذن المشروع عباره عن محل صغير
واجهزة فحص يدويه لاتصل قيمتها 15000 ريال

مع تدريب على هذه الاجهزة .
اعتقد المشروع يناسب خريجي كلية التقنيه اكثر من غيرهم
---------------------------------------------
تجربة
حدث مشكله معي في السياره
ذهبت الى الصناعيه
عرضتها على اكثر من كهربائي
كل واحد يعطي من راسه صوت ولاني لاثق اصلا بهم
سالت عن فحص كمبيوتر
قالو موجود
دلوني على كم ورشه قلت ماجيت واحد قال افحص سألته بكم يقول 100 ريال
اعطيه الاوكيه بشرط ان يحدد الخلل ويصلحه واذا ماصلح استرجع اللي دفعته
يرفض ورفضه اشاره واضحه انه ماعنده ماعند جدتي
المهم بعد ان سألت كم واحد قالو لي فيه واحد متمكن دلني عليه صاحب قطع غيار وقال اسمه فلان وهذا الشخص مايحتاج ذهب له وجدت رجال يبدو لي انه من اهل نجد عمره حوالي 45 سنه
قال اوك افحصها لك
فحص الرجال وطلع الخلل في دقيقه. وصلحه واخذ مني 100 ريال وحلال عليه لو طلب 500 عطيته .
المهم دخلت معه في حوار
وشرحت له السالفه وحبيت استفيد من خبرته عاد انا لزقه
المهم قال الرجال هاللي يدعون انهم يفحصون كمبيوتر كلهم طقها والحقها والناس مساكين ولافيه من ينصفهم اذا انضحك عليهم.
السالفه مش كذا
لابد من تدريب على الاجهزه وقال الي انا اصلا ماخذ دورات كثيرة في الكهرباء والميكانيكا السيارات وهذا الجهاز سهل مهمتي لاني متمكن ولدي لغة وفيه شركه عرضت لي راتب 45الف ريال لكن مابي موظف شغلي هنا احسن وادرب شباب سعوديين ومستفيد

عاد تصدقون كم سياره يفحص في اليوم الله يرزقه
من 10 الى 15 سياره يعني 1000 الى 1500ريال هذ فقط شغل الفحص غير شغل اليد والتركيب

سيارتي كانت مشكلتها ايام المطر فيه حساس اسفل السياره مع الماء سواء شورت وفصل
وماعاد اشتغلت وكل اللي سواه حرك الفيشه حقت الحساس واشتغلت السياره
والحمد لله لم اغير اشياء كثيره قالو لي عليها بعض اصحاب الورش قبل ما اجد هذا الرجل