اقتباس:
المشاركة الأصلية كتبت بواسطة خالدحائل
يا شباب
انا من الي دورتهم بمكه
ما عليكم من الي يتكلمون يقولون كرف والله يلعن العسكريه
وفيه بعضهم يقول انصحكم لا تدخلونها
والله ما عنده سالفه ولا احد ياخذ بكلامهم
الحمد لله بمكه مرتاح ووناسه وفله مافيه كرف
وسالفه الثبوت الي يشتكون منها اكثر الناس هي بس اول يوم تتعب
بس بعدين لو تثبت ثلاث ساعات ما عندك مشكله بس تخبرون عندنا ناس نواعم ما تتحمل الوقفه يااااي
والي قهرني ان في ناس الاسبوع الي فات هربو والله قهر
هربو على شان الافراد الي جو من الرياض يحسبون انهم جايين نزهه يبون دلع هذولا ما اسميهم الا الحريم
بس الي عنده ضروف معذور
بس نصيحه يا اخوان اذا تبي تسحب على الدفاع المدني اسحب قبل الدوره لا تروح وتهرب بالدوره
لا تسمعون كلام الحريم كرف وتعب والله مافيه تعب ابد وحط براسك ان اول يوم بالدوره هي الي تتضايق بس اول يوم وبعدها وناسه الله يوفقكم ويسهل عليكم ان شاء الله ان دورتكم قريبه
لعلمكم يالدفعه الثانيه والثالثه ترا حنا انتظرنا خمس شهور الين ردو علينا ما بقى شي فللو نوم لانك راح تشتاق لمخدتك وان شاء الله نشوفكم بالدوره
|
بس الاغلبيه موب معجبهم الوضع اذا الوضع عاجبك هنيالك يا بعدي واقرأ على نفسك لا يلعطونك بعين ما شاء الله عليك اللي معجبك الوضع مع ان 90% من طلاب الدورة موب معجبهم والعضويات اللي بالمنتدى وش كثرها اللي تشرح حال الدورة اذا خليت 90% من الدورة حريم لا تعليق صراحه 
وعلى طاري اللي يتشكون منهو اللي تشكى كل الموجودين يشرحون حال الدورة ووضعها وخليتهم حريم الله يهديك بس روق يا بعدي ترى ما تسوى وكلامك متناقض الاستقالات واجد وكل اسبوع يستقيل عدد وقدرة من شد الضغط اللي حاصل احمد ربك على الصحه والعافيه ولا تكلم بلسان عموم الدورة طال عمرك لانه كل شي واضح قدام الجميع ولاحد ينكر ولا نسيت محاجيز الاسبوع الاول اللي حول 800 واحد محجوز قرابه نصف الدورة لأسباب تافهه ولا تذكر فلذالك يا صاحبي لا تكلم عن الجميع وتضحك على هالناس اللي بتدخل دورات بعدنا حنا لو كتبتبنا وش حصل لنا بدورتنا عشان تكون عندهم خلفيه ان العسكرية ميب لعب موب مثل ما تفضلت تقول دلع دلع وفيه استقالات !! مدري وش اقول صحيح ان الشي ما يجي الا بتعب وهذانا صابرين والاغلب صابر ولاكن انا اعذر كل اللي استقالو لانه ما مرت دورة مثل هالدورة بعد ال 45 ميدان بميدان وحقين لطايف داخلين معنا وشفهم من بعد 45 فله حجاج قارن بدورة الطايف لا تبعد بعيد وتعرف الإجابة
بس بصراحه تراك غطيت على الفضائية السورية وقناة الدنيا