الله يوفقك ويرزقك ويزيدك من فضله

نعم المثبطين كثر لا كثرهم الله

انت تقول الفلوس لها طعم

اقسم بالله يو كانت عاطل كديت على موتري قبل 10 سنوات من الدمام الى الخبر

الريال له لذه والعيش لما اكله احس ببركتها

سبحان الله ليه مدري



كنت يوم جالس انا واخوي وولد عمي بالغرفة وكلنا طفارى يوم جمعة صليناو جينا للغرفة

المنعارف عليه غدى

لكن المشكلة طفارى

وكلن قام يناظر وش الحيلة اللي قال برقد واللي قام من الياس يقلب الدش

المهم ربي وفقني واستعنت بالله
وقلت انتظروني ساعة وابشروا قالوا كيف

مالكم هم

واقحص للعمالة التي تبي الخبر وهم كثر على الطريق
والعكس صحيح العمالة بالخبر تبي الدمام

والراكب بريالين واروح بمشوار واحد بس واطلع على ما اعتقد 60 او حولها
وذيك الحين الستين تسوى

واروح لشواية الخليج واطلب حبة ونص ومعها اللبن والبيبسي

وادخل عليهم الا يوم تنافزوا من الفرحة من شدة الجوع
وقلت سموا بسم الله وتغدوا وملو بطونهم وانا اشكر الله واثني عليه
اولا ادخلت سرور بقلب مسلم

ثانيا انه وفقني بدل الجلوس دورت العيشة