يا جماعة ملينا فقر .. ماعندنا بيت .. ماعندنا بيت .. ماعندنا بيت 
تكفون ابي اعيش .. ماخذين شقه في قرية ولاحظو قلت شقه مو بيت او دور
كلها 3 غرف وعددنا 14 مع زوجه اخوي واولاده ,,, بصراحه احيان احس والدي السبب
لانه كان يهين نفسه ويذلها ويطلب الناس ليه مو من بدايه حياته حاول يحسن عيشتنا
ليه كان معتمد ع الصدقات وسؤال الناس !! ليييييييييييه يابوي ليه 
ليه بعد ما كبرت اشتغلت فراش براتب 2700 .. وش يفيد الحين !!
متى يمديك تجمع مبلغ ومتى يمدي راتبك يرتفع وانت فوق 60 سنه
متى يصير عندنا بيت ملك كبير .. متى يارب متى
اخواني مافيهم فايده .. يدرسون بالجامعه .. وواحد منهم تركها وصاع بالشوارع
والثاني طايح ماعنده وظيفه ينتظر وزارة الصحة تعينه .. والمتزوج مايفكر اصلا لان كل راتبه على اولاده ..
:::
وش ذنبي انا كـ بنت .. اهين نفسي واشتغل بائعه عشان اجمع كم قرش يمكن نقدر نشتري بيت و اخذ قرض
وش ذنبي ان الوظائف اعلى رواتبها 2500 .. الى متى بنتظر ابي ادفع رسوم جامعتي
ابي اعيش مثل باقي البنات .. والله حرام مايصير مليت ..
عندي شهاده ICDL .. ومافي شي الكمبيوتر ما اعرفه الواحد الحين صاير يعرف كل شيء
وعندي دورة انجلش
عندي همة وطموح ووووو ومع ذا كل الوظايف كشف وجه او اختلاط !!! 
.. وش اسوي انا اشتغل بائعة ؟؟ والله فكرت فيها كثير .. وقدمت بس الرواتب قليله وشفتات والمواصلات بتاخذ نص الراتب والاجار بعد ..
::
علموني بطريقه احصل ع مبلغ كبير في اسرع وقت عشان نشتري بيت واشيل هالهم عن قلبي
لاني ماخليت شي ماسويته .. ارسلت برقيات قبل سنتين للملك ولسلطان قبل لايموت ولنايف ماخليت حد
ابيهم يساعدونا ببيت او قيمة بيت .. بس اللي عايش حياته بالعلالي .. مايحس بغيره
والله افكر حتى ارسل ل شيوخ الامارات واطلبهم يمكن فيم خير اكثر
وسلامتكم 
