هلا اختي أترجه ..

تدرين سجلت دخول مخصوص عشان موضوعك ...

يعني من جد تجذبني هالمواضيع ودايم أحب اقرأ مذكرات الأشخاص الناجحين لأنها تزيدك اصرار احيانا ...


طبعا انا تخصصي كيمياء دخلت عن غير رغبة مع ان نسبتي على وقتها كانت تدخلني أحسن قسم

بس الحمدالله حبيته في النهاية وكانت خيرة لي ...

تخرجت بمعدل حلو ...

في الإجازه اخذت دورة حاسب ...

و توظفت بداية السنه حتى استفيد واقضي وقت ....

خلال هالسنه فتح تسجيل ماجستير بجامعتين في الرياض ...

وكنت متعلقة بتخصص معين ... وكنت ضامنة بعد الله القبول ..!


لكن انصدمت اني ما انقبلت .... والله هي كلمة وحده قلتها

اللهم اجرني في مصيبتي واخلفني خيرا منها ..


جات الجامعة الثانية حددت مو عد الإختبار .... كنت وقتها متحطمه صراحة

وكان العدد كبير للمرشحات ...

الوالد الله يحفظة قال احضري وش خسرانه ....

رحت واختبرت ... طلعت وحلي كان ما ادري اش الصح والخطآ ...

دخلت منتدى الجامعة اشوف حلهم نصة خطآ علي

المهم طنشت الموضوع .... مره رجعت من دوامي فتحت موقع الجامعة

والحمدالله لقيت اسمي من المرشحات للمقابله طبعا كنا 30 من 300 وحدة اختبرت

طبعا المشجع الأول ابويه لأني مهما قلت ما راح اوفيه حقة

قال الي خلاك تعدي الإختبار راح يخليك تعدي المقابلة

طبعا كانت المقابلة تقيس بالدرجة الأولى شخصيتك واذكر قبلها نزلت موضوع هنا

عن السيرة الذاتية وكذا وما قصروا الأعضاء ...

جت الإجازة وسافرت ع جدة ومرينا ع مكة واعتمرت وكنت ادعي اذا فيها خير ربي يكتب لي القبول

واذا فيها شر يبعدني عنها .... طبعا مر اسبوع من بعد عمرتي ...

والنت ما كان متوفر عندي دايم دخلت فجآه يوم والقى اسمي مع المقبولات وكنا 15 ....


كل دعوة دعيتها في عمرتي تحققت قبولي للماستر وشي ثاني ما يفصل بينهم الا 3 اياام



والحمدالله الآن انا على وشك انهاء اول سنه ماجستير ...

ومقتنعة فيه تماما لأن ربي الي اختارة ليه ...

ويسر كل اموري فيه ...


وان شاء الله نعدي الرسآلة على خير

ومن ضمن مخططاتي اني آخذ دبلوم انجليزي لأنة شرط قبول في الدكتوراة التوفل


لأني اتمنى اكمل بعد الماجستير ع طول ...

وفيه اشياء كثير لكن بحكم سفرنا الدائم في الإجازات تتكنسل ...

والله يرزقنا لكل خير ياارب



ومشكوورة يا عسل وعذرآ ع الإطآآلة ....,

دعواتكم لي في اختباراتي

نستودعكم الله