اقتباس:
المشاركة الأصلية كتبت بواسطة الجارح الحر
اهم شيء الفايدة من عصارة التجارب والممارسة والخبرة العملية
وهذا اللي راح يفيدنا كشباب ..
لأن اسمك وشركتك تبقى امور ثانوية أمام هالخبرة العملية اللي استفدنا منها جميع
ومهما درسنا في ادارة الاعمال والتجارة والمحاسبة تبقى أكاديمية بحته تفيدنا بأشياء ولكن مع الممارسة والعمل نكتشف أشياء ثانية يبيلها قوة صبر ومثابرة وهذي ماراح نعرفها عن طريق الكتب العلمية والحياة الدراسية ولكن نعرفها من اصحاب الخبرة والممارسة مثلك ومثل الاستاذ دماغ والاستاذ الوالي وغيرهم في هالمنتدى اللي استفدنا منكم الكثير والكثير ..
ولكم في كل حرف حسنة والحسنة بعشر امثالها عند الله عز وجل وكل من بيدرس هالحروف راح يستفيد ويفيد ودعائهم لكم بإذن الله ما يخيب
|
آمين .. جزاهم الله خير
كلامك صحيح .. هذا هو المهم .. مو مهم اسم الشخص أو الشركة .. حتى لو نعرفه شخصيا .. نجاحنا لا يترتب على معرفة ناجح أو حتى صلة القرابة له .. كثير من أبناء الناجحين أو أخوتهم فاشلين !
نجاح الإنسان يصنعه بنفسه .. ما يأخذه من الآخرين هو الاستفادة من خبراتهم فقط !
أعرف شخص ثري فتح لابنه مكتب تجاري صرف عليه مليون ريال .. في أقل من سنة قفل المكتب وضاع المليون..
لأن الابن فيالفكر والعمل = صفر !
أي تجربة سجلها عندك في ورقة وبين فترة والثانية راجعها منها تحفزك ومنها تستفيد من سلبياتها وإيجابياتها في (( عملك )) .. طبعا من غير (( عمل )) لن تستفيد منها غير قطع كم دقيقة من الوقت لا أكثر !