اقتباس:
المشاركة الأصلية كتبت بواسطة الجارح الحر
والله انك فنان ماشاء الله تبارك الله
اخوي الشغلة خشت في المخ .. بغيت اسألك شوية اسأله :
- وين الاقي سعوديين يشتغلون هالشغلة في الرياض .. لأن ودي أبدأ مثل ما بديت اشتغل عند سعودي وبعدها ابدأ بنفسي اذا تعلمت الشغله .
- كيف طريقة التحميل داخل البلد .. يعني هل تشوف انها صعبة من ناحية شيل السيارة اذا كانت مصدومة بالحيل وكيف طريقة تنزيلها برضو اذا مصدومة .. وهل فيها صعوبة على واحد نحيل الجسم
- وهل يوجد حرب عليك كسعودي بين هالاجانب ؟
- اهم شيء وين الاقي السعودي اللي مثل قريبك .. اذا فيه اشخاص في الرياض او اماكن تواجدهم
اسف طولت عليك بس حبيت اخذ فايده منك وللجميع
وهذا عيبنا اذا شفنا ميكانيكي او نجار او حمالي او صاحب دينا وسطحة وجا يبي يتزوج قلنا "راعي سطحه!؟" .. وما درى المسكين ان راعي السطحة يعمل عمل شريف ويدخل راتب ما يحلم به في اي وظيفة حكومية او خاصة .. والعمل الحر دايم فيه خير واستغله الاجانب في البلد .. بعضهم يوميته بس 500 ريال يعني كم يطلع في الشهر ؟
وحنا باقي على هالعقلية الكمالية اللي تشوف الانسان من منظار الاعمال والكشخة والرزة ..
واصل واحنا معك ..
--
|
اولا احيي فيك الروح العآليه والطموحه اخي العزيز
في هنآك مشكله عندك الي هي سلمك الله الريآض مافيهـآ سعودهـ
وانا وظحت بالموضوع نطآلب بسعودتهم بجميع المناطق
انا الحمدلله بحائل وسعودو حقين السطحات عقبال الدنيا
طبعآ ماطبقوآ السعودهـ بس اهل الديرهـ الله يجزآهم خير اذا شافوا اجنبي يسوق سطحه كسروها ههههه
الحين اذا قلت لاجنبي ابغآ ودي سياره حائل قآل [ لا مايبغى روخ خايل مشكل واجد ]
والحمدلله قظوا عليهم باقي المناطق الى الان .
تصدق في قريه قبل لاتجي السعوده على ايام الافغآن تقريبا 250 كيلوا كانو يطلعون لها بـ 90
عشان السعودي يمل ويتحطم ويطلع برا 
بخصوص وين تلقى سعودي والله مالي خبرهـ بالرياض والظاهر ماعندكم سعودهـ
لاكن طالبوا فيهـآ مثلنـآ الان حنا مسعودينهم كلهم
بخصوص الشغل والتعب اانا طولي 166 ووزني 59 لاتشيل هم التعب على الواير الله يسلمك
وانت تقول يوميتهم 500 انا ااكد لك هذآ الكلام يوميآ من فضل ربي مابين 300 - الى 500
ياربي اديم النعمه
اتمنى اكون افدتك لو بالشيء القليل
ودي واحترامي