هههههه الله يسعدك ان شاء الله ما احد ينصب عليك

شوفي ياقلبي شغلكم بيكون النص بالنص هذا اللي بيكون تحت عينك اما اللي بيكون بمدينتها هذا اغسلي ايدك تعطيك حقك الا في حاله وحده اذا كانت امينه وصاحبة دين واخلاق

لازم انت تكونين بالمشغل طالما انه باسمك وانت اللي مطلعه الرخصه لها فانت لك الاولويه بادارة المشروع
واللي بتتعامل معهم الكوفيرات الي تقول بيكونون عن طريقها لازم تنتبهين برضو من هالناحيه لاينصبون عليك كلهم لازم تفتحين عيونك عدل مدل

اولا الحجوزات عن طريقك واللي تحجز تدفع لك العربون مسبقا هذا بالنسبه للزبونات
ثانيا حتى لو انك موفاهمه شغل المكياج والتسريحات سوي نفسك فاهمه بالذات قدام الزبونات عشان تكسبين ثقتهم وعشان العاملات لايشوفون انفسهم عليك
مهما كان اكيد انتي مطلعه على الموضه والاشياء هذي ولازم يكون لك راي

واتمنى تجيبين عامله تاخذ راتب وبس يكون احسن لكن كبدايه اتمنى لك التوفيق والنجاح بفكرة الشراكه

اهم شي لازم تتعلمين

واقترح عليك مدام انك ماعندك خبره مكياج وقص تتعلمين الاشياء الثانيه اللي بالمشاغل

1
تنظيف البشره
2
عمل حمامات زيوت للشعر
3
الفرد بالحنه السوداء >> منتشره بالمشاغل يسوونها ب 400 و500 عندنا
4
بدكير ومنكير >> سهل افتحي النت وتعلميه
5
تشقير الحواجب

شفتي كم شغله ممكن تمسكينها بالمشغل وتصيرين المسؤوله عنها
مو تجلسين تحطين ايدك على خدك وتقولين هي تسوي كل شي
كلها سهههههله وماتحتاج دورات ولا شي ادخلي النت وتعلميها

وكمان تقدرين تجيبين خيمة سونا وتسوين خلطات لها وتخلينها بغرفه خاصه وتسوين دلكه دوري لك سودانيه تسويها لك وانت سويها للعرايس وغيرهم


والله يوفقك ابدي وتوكلي على الله