اقتباس:
المشاركة الأصلية كتبت بواسطة التموين الطبي
يعطيك العافيه اخوي نواز على تجاوبك المستمر للاعضاء
وربي يوفقك ويحقق امانيك
حبيت استفسر منك انا عملت المقابله الحمدلله
وحاليا ادرس انتساب بالجامعه وباقي لي سنتين .. السوؤال هل راح يساعدوني بالاجازات الخاصه بالاختبارات النهائيه
وبعد حصولي على الشهاده هل راح يتم ترقيتي او زيادته مرتبي بالشركه ..
وبخصوص التامين الخاص بهم اي تامين تتعامل الشركه معه .. وعلى اي فئه a b c من فئات التامين
وبالنسبه للعمل كمراقب اقدر اخرج خارج موقع العمل وارجع ام هناك مراقبه شديده بالعمل
وبالتوفيق لك اخوي نواز
|
بالنسبة لإجازات الاختبار ان شاء الله راح يتعاونون معاك (( نظاميا تاخذا الاجازة حقت الاختبارات ))
صدقني من ناحية إن الواحد يبغى يكمل دراسته الاخوان في الشركة متعاونين بالمره أتذكر مره قلت لمديري (( ابغى اكمل جامعه تعليم مطور واذا إلتحقت بالجامعه حيكون دوامي من بعد العصر حتى العشى )) هذا قبل لا اوقع العقد مع الشركة كنت اكمل باقي اجراءاتي (( قلي خلاص راح نوحد شفتك بدل ما هو في العصر ومره بالليل راح نخليه لك من الساعه 7 الى الساعه 4 العصر ورح لجامعتك ...
برضه واحد من الاخوان يدرس اول سنة انتساب تعرفت عليه في الشركة قال : انا اول سنة انتساب والشركة تعطيني اجازات الاختبارات عادي ...
حتى مره رحت لفرع بن لادن في شارع الامير سلطان لقيت سكرتي جالس في الاستقبال قلي المدير حقي اردني خلاني اداوم فتره الصباح فقط وثبت الشفت حقي عشان بعد العصر عندي دراسة في الكلية التقنية (( تعليم موازي بفلوس ))
من هاذي الناحية لا تخاف يا تموين طبي ...
انت مراقب سلامه صح ! ان شاء الله اذا اخذت البكالريوس راح يزيد راتبك (( لأنه كذا واحد معاه بكالريوس راتبه غير راتب اللي معاه ثانوي او دبلوم )) ان شاء الله أكيد راح يزيد راتبك لا تخاف لأن شركة بن لادن كل مرحله دراسية لها (( سلم في الراتب )) ..
اما بالنسبة للترقية (( الحين زيادة الراتب انتهينا منها )) الترقية مسماك الوظيفي (( راح يكون نفسه (( مراقب سلامة إلا اذا الحين تغير النظام الله اعلم )) كان معي كذا واحد معاه بكالريوس منهم اللي متخصص محاسبة واللي متخصص شريعة واللي متخرج من كلية الاتصالات (( مسماهم الوظيفي مراقب سلامه + الدبلومات مسماهم مراقب سلامة )) إلا اذا تغيرت هاذي المسميات الحين الله أعلم ..
بس اذا تخصصك هندسة مثلا يعني انت منتسب تخصص هندسة في الحاسب او اي تخصص ثاني (( مع انه مافيه تخصص هندسة فيه انتساب صح او انا غلطان )) فرضا لو كان تخصصك هندسة راح يكون مسمى وظيفتك (( مهندس سلامة )) وراتبك راح يفرق عن البكالريوس 360 درجة ..
دقيقه راح مشوار وراجعلك
فين وصلنا
ايوه التأمين والله مدري عنه (( لا تنسى اني ما اخذت تأمين ولا شيء كل اللي داومته في الشركة 3 ايام فقط وقدمت الاستقاله )) لكن لما تروح للغزة (( انت شغلك فين بمكة ؟ )) اذا كان شغلك بمكة في مشروع الحرم تلاقي بركس كبير لونه ابيض في الغزة تلاقي اللي مختصين في التأمين تحت عند واحد اسمه والله نسيته بس قد مريته (( يعطيك كل التفاصيل عن التأمين )) ...
خروجك من العمل (( اذا كنت مراقب سلامة في مشروع الحرم هذا اللي فهمته منك او مراقب أمن )) اذا مراقب سلامة انصحك في اول ايام عملك تنضبط بالمره لا ياخذون عليك فكره سيئة ...
والله انا لما اشتغلت كانوا مشددين عليه شوي لدرجة اني يوم اتذكر رحت اصلي وتأخرت 10 دقايق عن العمل وقلي المشرف عليه (( اش أخرك ؟ قلت كلها 5 دقايق احنا محنا في عسكرية قال شركة بن لادن عسكرية مصغرة ... وقال اول يوم استحينا منك لكن صلي وتعال على طول لا تتأخر )) بصراحه على حسب المراقب اللي تجي عنده ..
(( لكن انا كنت عند واحد اسمه المهندس سعيد الزهراني مهندس ميكانيكا )) مشرف ...
الحين مدير السلامه اسمه المهندس عبدالحميد مقسم كل مجموعة من المراقبين يمسكهم مهندس يسمونه مشرف او مسؤول عن هذولا (( المراقبين )) ياليت تسأل عن أطيب واحد وتخليهم يحطونك عنده ...
المهندس سعيد طيب حتى يقلي انا اقدر اللي عنده اختبارات او ظرف وما ادقق عليه ..
بس انا زعلت منه وتركت العمل ...
(( مكان عملك اذا كنت مراقب سلامة في مشروع توسعة الحرم وليس الساحات او المرافق والخدمات الاثنين الاخيره مدري عن نظامها ... راح يحطونك في أحد المناطق 1 او 2 او 3 او 4 او 5 (( 5 )) ماني متأكد منها الظاهر (( 4 مناطق )) في نفس توسعه الحرم ...
هاذي المنطقة (( يسمونها Zone )) ما تتعداها ويمكن تكون منطقة صغيره مره مثل اللي كنت فيها انا كنت في (( Zone 2 )) مكان صغير بالمره وتختار لك مكان محدد اما الدور الاول او الثاني او الاخير هذا المكان ما تتخطاه باي شكل من الاشكال (( ترى الوضع سهاله بس يمكن يجي واحد يسوي عليك مدير )) ويقلك وش جابك هنا رح لمكانك (( الله يعينك تجلس تلف بس صدقني ما فيه اي تعب تقدر تجلس كذا ساعه بس في مكان (( منطقتك ))
هذا اللي اقوله (( اذا حطوك في مشروع توسعة الحرم )) لكن مشروع الساحات مدري عن نظامهم هناك او مشروع الخدمات مدري عنه ....
بس مع الايام راح يتعرفون عليك الاخوان وتصير الامور سهاله فيه ناس مراقبين سلامة لهم سنة او اقل مضبطين وضعهم يطلع على كيفه ويرجع على كيفه او تلاقيه جالس في البركس مع المهندسين ..
انت اتعب في البداية وراح ترتاح في النهاية ..
ان شاء الله اكون استفدت مني ..
(( بس انت في اي مشروع في مكه اذا كنت في مكة في اي قسم توسعة الحرم او الساحات او المرافق والخدمات ما قلت ليه .... ولما قلت انك مراقب هل مراقب امن او سلامة ))
لأن كل التفاصيل اللي ذكرتها مثل منت عارف تختص (( بالسلامة )) الامن مدري عنهم .