اقتباس:
المشاركة الأصلية كتبت بواسطة مليت ادور اسم
ياربي يسعدكم ويوفقكم reeem22 وبننت الوالد وعاطله مش بطاله انتم ساعتدوني كثير وفتحتوا عيوني على اشياء كثيره والله لو على انا كان نصبتى على وانا اضحك
اللي فهمته منكم
1-الاداره انا امسكها من حجوزات واستقبال زبائن وغيروا وكلها تكون عن طريق هاتف المشغل وماتستقبل اي شغل من جوالها الخاص وهي ايام الاسبوع بس تكون موجوده الصباح لانها من مدينه ثانيه والخميس والجمعه والعطله بتكون موجوده على طول ( تقول الشغل اللي اخذه من برا المشغل بيكون بالنص بيننا )طبعا اللي بيكون بمدينتها
باقي اليوم انا راح اكون موجوده
2-تصليحات المحل والايجار والمعدات والادوات والاثاث انا وياه بندفعه النص بالنص في حاله انها تبي الارباح تكون بالنص واذا رفضت بخلي نسبته 35-40٪ وانا اتكفل فيهم
3-العاملات اللي بالمنازل تقول انا اجيبهم بخليها تعطيني ارقامهم بكتبهم بدفتر وبيكون التنسيق معي مو معها واذا جو اشتغلوا بياخذون النصف
بنات انا كذا ماشيه صح  |
وإياك .. كلنا نستفيد من بعض
عزيزتي بخصوص رقم واحد أولا صحيح الإدارة لازم كلها تكون في يدك والتواصل عن طريق رقم المشغل .. أنت إذا فتحت المشغل إن شاء الله اعملي بروشور فيه كل خدمة ومقابلها أسعارها.. ورقم المشغل واطبعي منه نسخة وصوري منها كثير وزعيها في أماكن التجمعات اللي في محافظتكم ( أسواق وغيرها ) وإذا تقدرين اتفقي مع عامل يوزع نسخ عالبيوت أو حتى أطفالكم ( يحطها في الباب أو تحته.. طبعا إذا مسموح في محافظتكم ) هذا شيء منتشر في المدن الكبرى ..
ثانيا ليه هي تداوم الصباح فقط ؟
اللي فهمته من كلامك أن المشغل في البداية ما راح يكون فيه كوافيرات غيرها وأنت إلى الآن ما تعرفي شيء من شغل الكوافير ! ومع ذلك دوامها فقط فترة واحدة اللي هي الصباحية !!
المعروف أن أغلب من يروح المشاغل هن الموظفات والموظفات ما يروحوا إلا المساء فقط لأنهن الصباح في الشغل وأغلب المشاغل في الرياض ما تفتح إلا الساعة عشرة الصباح وتستمر حتى عشرة المساء عدا الإجازات ! فكيف ما تكون موجودة في المساء ؟ من راح يشتغل ؟
إذا ما كنت بتجيبين غيرها من البداية حاولي تتفقين معاها عالعكس يعني تبدأ شغلها المساء حتى لو 3 العصر لأن فترة المساء هي الفترة الأهم في المشاغل ومشغلك بالذات لأن مافيه أحد غيرها ! خصوصا فترة الأشهر الثلاثة الأولى لأنها هي المحك لسمعة المشغل وشهرته ! مو تجي زبونة العصر وما تلاقي كوافير!
وفي حالة دوامها فترة واحدة فقط بأي حق تأخذ النصف ؟ ولا حتى الثلث ؟
إذا دوامها فترة واحدة فقط تأخذ راتب أو نسبة ما تزيد على 20 % نهائيا .. هذا فقط المقابل اللي يتناسب مع شغلها !
ما أعرف كيف هالتفكير الاستغلالي !
ما راح تدفع شيء ! ولا راح تداوم دوام كامل ! وطالبة النصف ؟ بأي حق ؟
أيضا كونها راح تشتغل في مدينتها هذا (( أظن )) يكشف سبب أنها ما تبي تجي عندك المساء لأن عندها زبائن هناك وهي عارفة أن الفترة الذهبية للمشاغل هي المسائية فركنتك على جنب في المساء ! وطبعا من كلامها أنها راح تعطيك النصف .. هذا أتوقع أنها فقط ترغب في أن يكون اسم المشغل غطاء لشغلها ومو بعيد تفتح في محافظتها فرع باسمك وتديره ! أنا ما أبي أشطح وأظلمها لكن كل تصرفاتها تدل على هالشيء وأنت أسأليها صراحة ( هل عندها نية تشتغل في محافظتها باسم المشغل؟ ) إذا قالت إي نعم فارفضي ! لأنها فقط ترغب في جعلك اسم لها لا أكثر من غير ما تدفع مصاريف ولا تخسر أي شيء .. هذا غير المساءلة القانونية لو حصل منها أي شيء لا سمح الله وهي تشتغل باسمك بتجي على رأسك !
بخصوص النقطة 3 .. العاملات اللي بيجوا من بيوتهم أولا ليه هي اللي تجيبهم مو أنت ؟
ثانيا كيف تأخذ النصف ؟ وأنت كم تأخذين ؟ والعاملات كم يأخذون ؟
يفترض ثلث للعاملة لأنها هي اللي تشتغل والثلثين لك لأنك أنت اللي وفرت المشغل والزبون !
هي إذا جابتهم تأخذ فقط نسبة بسيطة ( بالعامية سمسرة ) لا أكثر !
إذا حبيت تكسبي وتريحي نفسك جيبي عاملة باسمك .. وإذا حبت هي تشتغل معك ( مع عاملتك ) أعطيها راتب أو نسبة ما تزيد على 30 من الربح وليس الدخل !
موفقة