السلام عليكم ورحمة الله وبركاته
اشم ريحة الخرج هنا أبي اطمنكم يابنات الخرج مافيها متاهه او ضياع ان شاءالله
والخرج كانت المصيف الأول للأسرة المالكة هي منطقة زراعيها القرى والاحياء اللي اعرفها انا
الدلم ونعجان والسلمية واليمامة والشعبة والخالدية والحزم والبديعة والناصفة لكن ماشفتها وفيه الضبيعه
وفيها هجرلكن مااعرفها..

شوفوا مدخل مدينة الخرج أو السيح للقادمين من الرياض




وهذا منظر ليلي لبرج الخرج تدرون للحين محتارين ماصبغوه وكسوه لون وعندي كذا احسن ^^



تقع مدينة الخرج في الجزء الجنوبي الشرقي من الرياض والمسافة قريبه يقدرالواحد يتغدى بالرياض ويتعشى بالخرج بالراحة
الزبدة مايحتاج إقامة عادي وانتي بالرياض تروحين وترجعين ان شاءالله وتراها ماهي طرده لا بس توضيح
وزيادة اطمئنان ^-^
تخيلي أنك طلعتي من الرياض الساعة 5.45دقيقة بتوصلين الخرج بإذن الله الساعة 6.30ويمكن اقل

تحياتي لكم ياأخوات حبيت اطمنكم أختكم حجابي نجاتي.الخرج.

__________________
"لله دُر أمي إذا ابتسمت
تهادت جروح قلبي والتئمت"