اقتباس: المشاركة الأصلية كتبت بواسطة روح حره السلام عليكم ورحمة الله وبركاته ألف مبروك للمترشحات وعسى الله يكتب لكم كل خير ويوفقكم وييسر أموركم طبعاً أنا ما طلع أسمي والحمد لله على قضائه وقدره لكن بما إني دوسريه فحبيت أطمر عندكم وأقول لكم توكلوا على الحي القيوم سبحانه ولحد يخاف أو يحاتي طبعاً أنا ما رحت للوادي غير مره وحده في حياتي أيام غزو الكويت ولا أذكر منها شي بس يقولون تغيرت وتطورت كثير أهلها طيبين بس تحسون فيهم إعتزاز وفخر بأصلهم زياده شوي حبتين يعني لحد يجيب العيد من مميزات مجتمع الوادي *الكرم، والجود، فراح تلقين الترحيب سمه في كل الدوسريات. وصدقيني راح تنشرح قلوبكم لهن بدون شعوركم وربي ما أبالغ. *المحافظة على العادات والتقاليد، وهالشي يفرض عليكم إحترامها وخصوصاً باللبس المحتشم (وهذا بتلاحظونه في لبس حريمهم) ترى كلامي ما أقصد فيه ان النساء في باقي المناطق غير محتشمات، لا والله بس بتعرفون ان معاي حق لما تروحون هناك *لما تطيحين في مشكله (لاسمح الله) بتلقين من تفزع لك، والله الدوسريات فيهم حس فزعاوي (يعني فزعه) عجيب من السلبيات *يحبون يعرفون كل شي عن أي شي .. (مو كلهم) بس 99% منهم كذا *ممكن تعرفين أخبار عن أهلك قبل ما تعرفينها أنتي بالرغم من صلة القرابة اللي تربطك بهم وهذا بسبب سرعة إنتشار الأخبار في مجتمعهم والله ما أمزح *تضطرين تخبين عنهم (خصوصاً مجتمع النساء) بعض الأشياء الزينه فيك خوفاً من العين، طبعاً العين حق وحذر من أثرها رسولنا محمد صلى الله عليه وعلى أله وصحبه تسليماً كثيرا *ما أنصح أقل من 3 بنات انهم يسكنون بلحالهم. المجتمع هناك منغلق، وتنتشر هناك ظواهر إجتماعية ممكن تعرض البعض من الحريم للمشاكل. والكثره تغلب الشجاعه *تجنبوا يا بنات انكم تقولون كل شي لأي أحد. انتي جايه تأدين رسالتك التعليمية وتروحين. فلا تتدخلين في خصوصيات أحد، ولا ترضين (بالمثل) أحد يتدخل في خصوصياتك. *اللي تكلمت عن السلاح والرشاشات ومدري إيش، ترى معاها حق، بس الحين مو مثل قبل. بس على فكره، لو سمعتوا صوت رشاش، أو مسدسات لحد يدق عالشرطة ولا يخاف، لان هالشي يكون وآحد من الأثنين 1) يا إما ان فيه ضيف جاء ويرحبون فيه 2) أو واحد يدرب ولده على إستخدام السلاح وفي كلا الحالتين خليكم كووووول و........ هذا منتدى وآدي الدواسر سجلوا فيه وأطرحوا تسائلاتكم أو تصفحوهـ أكيد راح يفيدكم http://www.alwadi.com.sa/vb/ وسلامتكم الله على كلامك الطيب شي يشرح الصدر حبيت الدواسر قبل مااختلط بيهم انا اعرف بعن جمالهم فقط ماشاء الله عليهم ان شاء الله ربنا يسخرلنا الناس الطيبة ونتاقلم واكيد مانجيب العيد ( ياغريب خلك اديب ) ان شاء الله تترشحي قريب وربنا يرزق جميع العاطلات