[align=center]السلام عليكم صراحه قريت ردوركم وتفاعلكم واستفساراتكم .. وحبيت افيدكم بما اني من وادي الدواسر وساكنه بالرياض لكن اللحين جاء توظيفي بوادي الدواسر وراح ارجع له مرة ثانيه بالنسبة للوادي هو قرية تتكون من الكثير من الهجر المتقاربه .. المنطقتين الاساسيه فيه هي الوادي والسليل وكل الهجر قريبه من هذي المنطقتين .. ماعدا قله من الهجر مثل السوادة وكمدة ع الرغم من ان كمده تداومين وترجعين منها في نفس اليوم لكن السواده لازم تعيشين فيها وهي منطقة برية المطار بين الوادي والسليل .. يبعد عن كل وحده اكثر من خمسين كيلو .. يستقبل رحلات من الرياض وجده فقط .. المسافه من الوادي للرياض 750 كيلو تقريباً الأسواق والمطاعم مافي امل .. صحيح ان فيها كذا سوق وكذا مطعم لكن ماتنذكر بالنسبة للسكن انصحكم بالشقق المفروشة وهي متوفرة بكثرة في الخماسين اخيراً اللي تسأل عن اهل الوادي وعاداتهم .. صدقيني ماراح تلقين الا كل خير.. صحيح ان فيه بعض المشاكل مثل ماذكرتوا من انتشار السلاح لكن الحمدلله هو جزء من المملكة والأمن موجود وانصحكم اذا بتسكنون مع بعض يكون معكم رجال واحد ع الاقل يعني كل اسبوع او كل شهر يجلس معاكم اخ او اب وحده منكم واللي حابه تستفسر عن اي حاجة .. انا حاضرة وبالخدمة ..[/align]