اقتباس: المشاركة الأصلية كتبت بواسطة زهرة مكة جزاك الله خير على المعلومات اقتباس: المشاركة الأصلية كتبت بواسطة زهرة مكة والف مبروك التعيين الله يجعله خير للجميع الله يبارك فيك .. ومبروك لك ولاختك وللجميع وان شاء الله يكون خير لنا .. انا سئلت اسالة كتيرة ومحد جاوبني ؛) - طيب ايش الفرق بين القرى والهجر ؟ القرى هي الوادي والسليل وكل وحده منهم متوفره فيها جميع الخدمات واغلب الهجر مرتبطه بها يعني المسافه بينهم قريبه مره ماعدا السواده وهي منطقه بريه و الطريق لها بري وصعب تروحين وترجعين منها كل يوم وكل اللي تعينوا فيها سكنوا في نفس الهجره - هل نظام المنطقة مايسمح بسكن بنتين فقط يعني انا واختي ؟ عادي .. بس بنفس الوقت بيصير الوضع صعب عليكم لان الخدمات تحتاج مواصلات بالاضافه الى ان البنات صعب يخلصون اشغالهم بنفسهم ومن الافضل يكون معاكم رجال - كيف نظام الشقق زي الحجاز وكم اسعارها ؟ اذا كنتي تقصدين الشقق المفروشة فهي متوفره وهي افضل لك واسعارها ماادري عنها بالضبط .. اعرف ان ايجارها اليومي من 150 الى 200 اما اذا تقصدين شقق الايجار السنوي فهي موجوده واسعارها فالسنه 15000 الى 25000 لكن انصحك بالشقق المفروشة خصوصاً اول الايام ع الاقل حتى تعرفين مكان مدرستك والحي اللي هي فيه - فرضا سكنت انا واختي مانقدر نخرج على المغرب ونروح سوبر ماركت او مول ؟ شوفي حبيبتي الوضع فالوادي غير عن الحجاز .. البنت نادر ماتطلع من البيت .. وحتى لو فكرتي تطلعين مافي اماكن تروحين لها .. اسواقها مجموعه محلات جنب بعض وماتشجع ابداً .. والسوبر ماركت مافيها الا كذا واحد ومو مثل اللي تعرفينها يعني باختصار (بقاله كبيره) .. وغير كذا ماافضل انك تطلعين الا اذا بتزورين احد تعرفتي عليه او ان لك حاجه ضروريه فالسوق - ايش هيا الروضات الموجوده واحسنها عشان لو وقت المقابلة اعطونا ورقة نعرف ايش نختار - دوام الروضات متى ينتهي ؟ اممم هالموضوع مااعرف عنه اي شي .. بس ع حد علمي ان جميع الروضات جديده وباماكن كويسه .. والدوام اتوقع 11 ونص .. وكمان راح اسال لك واذا توفرت عندي اي معلومات راح ابلغك بإذن الله - واذا جاء تعيني في منطقة من فروع وادي الدواسر هل السكن يكون في المدينة او الافضل بقرب مكان المدرسة مثل ماقلت لك الوادي ع بعضه منطقتين واكيد بتسكنين في وحده منهم .. بس من وجهة نظري انتظري لما تعرفين مكان مدرستك واسكني بنفس الحي اللي هي فيه .. اريح لك واسهل لك - هل يوجد اتصال بالانترنت , اهم حاجه ؛) ايوا اكيد .. النت شي اساسي .. بس اكيد يبغى لك اجراءات وتيلفون وحوسة .. لاتخافين ان شاء الله بتتسهل امورك - في نادي رياضي ؟ لا طبعاً .. ماابغى اصدمك وفي نفس الوقت ماابغاك تتحطمين .. الوادي ع بعضه محدود الاماكانات لاتحطي في بالك انك بتروحين تتمشين فالمول او بتروحين تتعشين فالمطعم .. او او او اللي ابغاك تفهمينه انك اصلاً بتصيرين مدرسه وبتنشغلين بالدروس والتحاضير والوسائل والخ الخ الخ وماراح يصير عندك مجال للتفكير في هالاشياء .. وان شاء الله تتعرفين ع ناس كويسين ويصير بينكم زيارات وتنبسطين معهم ..بعدين الاجازات كثيره وان شاء الله تعوضين النقص اللي بيصيبك فالوادي لما ترجعي لاهلك واحبابك ... - اهم سؤال : ادارة التربية والتعليم اين مقرها وصف من المطار للوزارة سهل جداً.. بس بعيده عن المطار لان المطار مثل ماقلت يقع بين الوادي والسليل اذا طلعتي من المطار فيه طريق فرعي يربط المطار بالطريق العام .. بعد ماتنتهي من الطريق الفرعي وتوصلين للطريق العام .. فيه اتجاهين ( يسار يروح للسليل _ ويمين يروح للوادي) انتي روحي يمين للوادي .. وامشي سيده ع طول الطريق العام مسافة تقريباً خمسين كيلو ..وبعدها بتوصلين للوادي .. روحي سيده وبعد اربع او خمس اشارات راح يجيك دوار كبير وبتحصلين الاداره في الجهه اليسار (مبنى حكومي واضح).. خدي وقتك في الاجابة ياعسل اتمنى اكون افدتك وإذا عندك اي استفسارات ثانية لاتستحين