الله يوفقك وييسرلك الأمور .. أنا بنصحك نصيحة صغيرة لكن مهمة مهمة مهمة ..

بكلمك بس في الخدمات باقي الأشياء ما عندي خلفية عنها ..

نصيحتي هي ركز على ( راحة النزيل ) .. طبعا مستوى الشقق لازم يكون على الأقل

مقبول مقارنة بنظيره في المنطقة .. وكل ما كان أفخم كان أفضل طبعا .. لكن أقصد

براحة النزيل هي إن النزيل ما يحس بإنه لازم يكون متغاضي عن الخدمة أو

الراحة طول فترة الإقامة .. فبالتالي يحس إنه في وضع مؤقت وده يخلص ويمشي ..

أقصد بهذا الكلام مثلا الكنب اللي في الصالة ما يكون مو مريح وتمشية حال ..

والسرر نفس الشي .. الحمامات وما أدراك مالحمامات .. النظافة الريحة الطيبة ..

خدمة المطاعم لتوصيل الأكل .. يكون في اشتراكات وأرقام المطاعم والمنيو ..

الترتيب .. الحرص الحرص الحرص .. حتى نظافة الأسياب والمصاعد .. نظافة العمال

ولو يكون لهم لبس موحد ( أذكر في جده لما انزل الرسبشن أشوف هنود .. العمال

والسواقين .. فما عرفت مين بينهم اللي يشتغل هنا ) ..

إذا في مغسلة تتعامل معاها ويكون فيه اللي يودي ويجيب .. إذا قدرت تحط سيارة تابعه

للشقق ممتاز .. وطبعا طلبات السوبر ماركت اذا تشترك مع محل يوصل .. أو يكون في

عامل يجيب الأغراض اللي تحتاجها الشقق .. يعني كل الخدمات ما يبغالها ميزانية

معينة .. بس المهم تتسوا بطريقة مرتبة ونظيفة . تجمل يعني .. واللي تحس إنك ما راح

تسويه بطريقة محترمة .. لا تسويه من الاساس .. وينطبق الكلام هذا على المشروع بكبره ..

لأن صدقني إذا النزيل ارتاح .. بيكون زبونك .. وبيسوقلك .. وتصير لك سمعة .. وإذا طلعت السمعة الجيدة .. أبشر بنجاح المشروع ..

وهذا اللي عندي .. وأعتذر على الإطالة <<< هذا وأنا قايل نصيحة صغيرة

وبالتوفيق ..